Փաստ ինֆո

«Ցասումը, կատաղությունը, հուզմունքը խեղդում է կոկորդս։ Մենք գտնվում ենք այն վիճակում, որ մի բան ենք պահանջում՝ արդարություն»,- այս մասին Հանրապետության հրապարակում ընդդիմության հանրահավաքի ժամանակ ասաց ՀՀ վաստակավոր արտիստ Վիգեն Ստեփանյանն ու հավելեց, որ իր շահը մեկն է՝ երկիրը, ապա դիմեց ՀՀ ոստիկանության աշխատակիցներին.

«Տղերք, դուք չեք հասկանում, որ բոլոր այն հրամանները, որ դուք ստանում եք, հատուկ են արված, որ ծնեն ատելություն ժողովրդի մեջ՝ ձեր նկատմամբ։ ժողովուրդը համբերատար է, կների, կսպասի, բայց մի խանգարեք մեր երկրի այն արդար ընթացքին, որ հետապնդում ենք բոլորս։

Մենք ուզում ենք Հայաստանին վերադարձնել հավատքը դեպի հայրենիք։ Ոչ մեկս աթոռ ու շահ չի հետապնդում։ Ձեզ հատուկ են հրահրում ժողովրդի դեմ, հատուկ են ծնում ատելությունը ձեր իսկ նկատմամբ»։

Դերասանը հավելեց, որ կհաղթեն այն ժամանակ, երբ բռունցք դարձած բոլորը կարողնանան Հայաստանին վերադարձնել հավատը սեփական ուժի նկատմամբ ու կոչ արեց իջնել հրապարակ։

Աղբյուր` Փաստինֆո