Փաստ ինֆո

Պատերազմի ընթացքում ես էլ, պարոն Փարամազյանն էլ՝ դեկտեմբերի 1-ին մեկնել ենք Ջաբրայիլ: Ինքնակամ մեր ջոկատներով գնացինք՝ մոտ 250 հոգի հետո ավելացան, ամեն մեկս եղել ենք մի ուղղությամբ: Այս մասին Քննչական կոմիտեի դիմաց լրագրողների հետ զրույցում ասաց Գորիսի համայնքապետ Առուշ Առուշանյանը:

Նրա խոսքով՝ սյունեցիները մինչև վերջ կռվել են և կարողացել են պահել իրենց դիրքերը, իսկ ՊՆ նախարարը մինչ օրս ի պարզաբանում՝ ինչու հանձնեցին այն հողերը, որոնք համաձայնագրում չէր նշված.

«Մեր խնդիրը կապված է բնակչության անվտանգության հետ, ո՞նց եք պատկերացնում մեկ մետր քայլեք ու հանդիպեք թուրքին, ո՞նց պետք է երեխաներին պահեն: Երևանում իրականությունը այլ է, եկեք մեր մոտ, տեսեք՝ ինչ է կատարվում»,-ասաց Գորիսի համայնքապետը:
Նրա խոսքով՝ Որոտան գյուցի ջոկատը GPS-ով սահմանված բնագծից 26 կմ առաջ դիրքը պահել են, սակայն այդ դիրքը ևս մեկ օրում հանձնել են.

«Հիմա Գորիս-Կապան ճանապարհով գնալիս հաճախ կտեսնեք թուրքական մեքենանաներ, նրանք նույնքան լիազորություններ ունեն, որքան մենք»,-ասաց Առուշանյանը:
Նրա խոսքով՝ ողջ զենք-զինամթերքը ձեռք են բերել իրենց միջոցներով, կառավարությունը ոչ մի աջակցություն չի ցուցաբերել.

«Լրատվամիջոցները հրապարակել են «Best road» ընկերությունը իբր պատկանում է ինձ և 16 մլն դրամի չարաշահում է արել, Best Road ընկերությունը պատերազմի ողջ ընթացքում ողջ զինամթերքի տեղափոխումն է կատարել և այդ 16 մլն դրամը գուցե մեկ օրվա վառելիքի գումարն է եղել»,-ասաց Առուշանյանը:

Գորիսի համայնքապետի դիտարկմամբ՝ հավանաբար Սյունիքից էլի գոտիներ կան, որ պետք է հանձնվեն, այդ պատճառով էլ վարչապետի պաշտոնը զբաղեցնող անձը ձերբակալելու հրաման է տվել:

Աղբյուր` Փաստինֆո