Փաստ ինֆո

Առուշ Առուշանյանին առ այս պահը որպես մեղադրյալ ներգրավելու մասին որոշումը մեզ չի տրվել, հետևաբար՝ մեղադրանք առաջադրված չէ։ Քիչ առաջ տեղեկացանք, որ որպես մեղադրյալ ներգրավելու մասին որոշում են կայացրել և ինձ հանձնեցին ծանուցագիր՝ այսօր 19։40-ին ՔԿ ներկայանալու համար, որ մեղադրանք առաջադրեն Առուշանյանին։ Այս մասին լրագրողների հետ զրույցում ասաց պաշտպան Արմեն Մելքոնյանը՝ հավելելով, որ չի ներկայանալու, ունի երրորդ կարգի հաշմանդամություն, կներկայանա վաղը։

«Առավոտվանից մինչև հիմա՝ 18։30-ը դատարանում էինք, առանց հաց ու ջուր։ Մեր դուրս գալուց հետո նոր որոշում են կայացնում ու ծանուցագիր ուղարկում, որ մի ժամից ներկայացեք։ Ես չեմ ներկայանալու, որովհետև ծանուցագրի մեջ հստակ գրել եմ, որ հանդիսանում եմ երրորդ խմբի հաշմանդամ և ես հաց ուտելու ու ջուր խմելու իրավունք ունեմ, վաղը ծանուցեք կգամ»,-հայտարարեց փաստաբանը, հավալելով, որ ՝ Առուշանյանը բացի ինձանից այլ պաշտպաններ ևս ունի, որոնց չեն ծանուցել։   

Պաշտպանը բոլորի  ուշադրությունը հրավիրեց այն հանգամանքի վրա, որ իշխանությունները զերծ չմնացին իրենց կանխատեսած վատ, սև ձեռագրից։ 

«Ցավոք սրտի, չգիտենք որտեղից, ինչ-ինչ գործեր են հայթայթել, որոնք միացվել են մեկ վարույթում, այդ որոշմանն էլ նորմալ չենք ծանոթացել։

Պարզվում է՝ անգամ կալանավորման միջնորդություն է ներկայացվել դատարան։ Առուշանյանին ապօրինի ձերբակալումից ազատելու որոշումից անմիջապես հետո տեղեկացրին, որ կալանավորման միջնորդություն է ներկայացվել դատարան, երբ դեռ մարդուն մեղադրանք առաջադրված չէ, չգիտենք՝ Առուշանյանն ինչում է մեղադրվում, բայց կալանքի միջնորդություն է ներկայացվել դատարան»,- նշեց նա։

Մանրամասները՝ տեսանյութում

Աղբյուր` Փաստինֆո