Փաստ ինֆո

Սա սրբապղծություն է, մենք վաղուց էինք ասում որ այս մանիպուլատիվ միջոցառումը, որը, կազմակերպել է Փաշինյանը, իր էությամբ հակաբարոյական է և ցույց է տալիս այսօրվա իշխանությունների դավաճանական էությունը»,-«Փաստինֆո»-ի հետ զրույցում նման տեսակետ հայտնեց հոգեբան Կարինե Նալչաջյանը՝ անդրադառնալով իշխանության նախօրեին կազմակերպված հիշատակի արարողությանը:

Հիշեցնենք, որ դեկտեմբերի 19-ին կառավարությունը հարգանքի և հիշատակի երթ էր կազմակերպել դեպի Եռաբլուր։ Զոհված զինվորների մայրերը և մի շարք զինվորականներ նախապես հավաքվել էին Եռաբլուրի դիմաց՝ թույլ չտալու Փաշինյանի մուտքը եռաբլուր:Վարչապետին տեսնելուն պես նրանք բացականչեցին՝ «Նիկո՛լ դավաճան», իսկ վերջինիս գլխավորած երթը Եռաբլուր մտավ «Նիկոլ վարչապետ» վանկարկումներով ու վարչապետին ծափահարելով։ Արցախյան պատերազմում զոհված զինվորների ծնողները՝ չէին հասկանում՝ ի՞նչ է կատարվում, ի վերջո՝ սգո ե՞րթ է,թե՞ ՝ միտինգ:

Հոգեբան Կարինե Նալչաջյանի դիտարկմամբ՝ ճանաչելով Փաշինյանին՝ պետք էր ենթադրել, որ նա, օգտագործելով համազգային սուգը, բախում է հրահրելու.

«Բոլորն էլ հասկանում են, որ միայն ադմինիստրատիվ ռեսուրսի միջոցով կարողացավ հավաքել այդքան մարդկանց, աշխատանք կորցնելուց վախեցող մարդկանց, սակայն դա արդարացում չէ, քանի որ պահի վախերն ունենալով մարդիկ շատ ավելի մեծ կորուստներ են ունենալու, սա Փաշինյանի համար պարտություն էր, կարծում եմ՝ իր միտքը սթափ է և գիտակցում է, որ ամբողջ ժողովուրդն իրեն դեմ է, ենթադրենք ոստիկանական ուժերի միջոցով կարողացավ ճեղքել արժանապատիվ մարդկանց պատնեշը, բայց դրանով ինքն ինչ որ բան չապացուցե՞ց, հակառակը, ինքն ականատես եղավ համազգային ատելության ու վրդովմունքի իր նկատմամբ»,-ասաց հոգեբանը:

Վերջինս արձանագրում է, երբ սգո երթին գնալիս մարդիկ Նիկոլ վարչապետ գոռալով են գնում, ուրեմն պետք է հասկանալ այդ մարդկանց՝ հայրենիքի, երկրի,զոհված մարդկանց հանդեպ նրանց բարոյականության աստիճանը.

«Չեմ բացառում, որ ինքնակամ գնացողներ էլ կային, միայն իշխանական աթոռներ զավթածների հարազատները, տան անդամները, մարդիկ, որոնք ինչ-որ ակնկալիքներ ունեն նրանցից, կարող է լինեին ինքնակամ գնացողներ, բայց այս մարդիկ, որոնք մեծ սգի մեջ Նիկոլ վարչապետ էին գոռում, ցույց են տալիս իրենց մտածելակերպը և բարոյականությունը, որը պատիվ չի բերում, բայց նրանց կողքին մենք տեսնում ենք, որ ժողովուրդը վերագտնում է իր արժանապատվությունը, սթափ է դառնում՝ հասկանալով ինչ վտանգների է ենթարկվում և ում ձեռքով»,-ասաց Կարինե Նալչաջյանը:

Վերջինս կարծում է, որ երեքշաբթի հայտարարված համազգային ընդվզմանը շատ ու շատ մարդիկ կմասնակցեն, որովհետև մարդկանց համբերության բաժակը լցվում է.

«Երեկվա երթին ստիպված գնացածները հաջորդ պահին, երբ տեսնեն կշեռքի նժարը ծանրանում է, մյուս կողմում, այդ կողմում են հայտնվելու, ես սա չեմ համարում կայուն իր ետևից գնացող մարդիկ, այս պայմաններում կոմֆորմիստ չի կարելի լինել, քանի որ աչքի առաջ կորցնում ենք ամեն ինչ»,-մեզ հետ զրույցում ասաց հոգեբանը:

Աղբյուր` Փաստինֆո