Փաստ ինֆո

Իրադրությունը զարգանում էր այնպես, որ այդ պահին պատերազմը չդադարեցնելը կնշանակեր տասնյակ հազարավոր զինվորների կյանքը դնել կասկածի տակ, այդ պահին այլ տարբերակ լինել չէր կարող, հետագա որոշումները կրկին կատարվում են մի բանի համար, որ Հայաստանի շուրջ հաստատվի կայունություն և գործընթացները անվերահսկելի ընթացք չստանան: Այս մասին Սյունիքի Սառնակունք գյուղում քաղաքացիների հետ հանդիպման ժամանակ ասաց Նիկոլ Փաշինյանը՝ օղու բաժակը ձեռքին:

Փաշինյանը կոչ արեց իրավիճակը ավելի չբորբոքել, քանի որ իրավիճակը բարդ է: Նրա խոսքով՝ այս ամենն արվում է Սյունիքի անվտանգությունը ապահովվելու և անվտանգության հավելյալ երաշխիքներ ստեղծելու համար.

«Կան սահմանային որոշակի կետեր և այդտեղ մեր սահմանապահներն են տեղեկայվում, իսկ որպես հավելյալ երաշխիք նաև ռուս սահմանապահներ են տեղակայվելու: Մեր խնդիրն է՝ բարդ իրավիճակը չներկայացնենք քառակի անգամ ավելի բարդ, քան իրականում կա»-սյունեցիների հետ հանդիպման ժամանակ ասաց Փաշինյանը:

Նրա խոսքով՝ այս ամենն արվում է, որպեսզի անվտանգություն ապահովվի և նոր կոնֆլիկտ չբորբորքվի: Փաշինյանը սյունեցիներին հորդորեց, ամեն միջադեպից խուճապի չմատնվել և պահպանել կայունություն:

Սյունեցիներից մեկն էլ ասաց՝ եթե Նիկոլ Փաշինյանը հրաժարական տա, կդավաճանի իրենց:

Նիկոլ Փաշինյանն էլ դիմելով մյուս քաղաքացիներին, ասաց. «Էլ ո՞վ է այդպես մտածում»,-հարցրեց նա:

«Բոլորս»,-հայտարարեցին մի խումբ քաղաքացիներ:

Մինչ Նիկոլ Փաշինյանը Սառնակունքում հանդիպում էր տեղի բնակիչների հետ, որտեղ մեծամասնությունը անվտանգության աշխատակիցներ էին՝ Գորիս-Տաթեւ ճանապարհին սյունեցիները փակել էին ճանապարհը՝ պահանջելով Նիկոլ Փաշինյանի հրաժարականը։

Ժողովրդի հետ հանդիպումից խուսափելու համար նա Սյունիք է մտել ուղղաթիռով։

Աղբյուր` Փաստինֆո