Փաստ ինֆո

Վաղուց եմ ասել՝ պատերազմ է սպասվում։ Ի սկզբանե՝ մինչև պատերազմը պետք է ունենային ամենաքիչը 10.000 հոգի ապահովության համար։ Այս մասին Եռաբլուրում լրագրողների հետ զրույցում ասաց ԱԺ նախկին պատգամավոր Առաքել Մովսիսյանը։

Ինչ վերաբերում է նախկիններին ուղղված մեղադրանքներին, Մովսիսյանը նշեց, որ նախկինները հող չեն հանձնել։

«Եթե նախկինները ստորագրած լինեին, նախկինում տված կլինեին։ Փաստն այն է, որ ոչնչի էլ պատրաստ չէին եղել, պատերազմը կարող էին րոպե առաջ կանգնեցնել։ Գոնե գիտեին, որ վաղ թե ուշ պատերազմ է լինելու, գոնե մի 10.000 հոգու պատրաստեին, պարապեցնեին, առանց այն էլ տղաները գնում էին կռվելու։ Ոչ թե պարգևավճարներ բաժանեին լափեին, այլ՝ այդ տղաներին ֆինանսավորեին իրենց ընտանիքը պահելու համար, որ կարողանային պատրաստված մարտի դաշտ մտնեին»,- նշեց Մովսիսյանը՝ հավելելով, որ այդ հողերն իրենց պապաների տանից չեն բերել, որ մեկ ստորագրությամբ հողեր են տալիս։

«Այդքա՞ն ժողովրդին որտեղ են լցնելու, ինչ են անելու։ Այդքան հե՞շտ է՝ իրենց տաները վառում դուրս են գալիս։ Մեր սիրտն է կանգնում, բա իրենց ինչ կլինի»,- նշեց Մովսիսյանը։

Ըստ նրա՝ պատերազմում կարող էինք ընդհուպ հաղթել, եթե ճիշտ կազմակերպված լիներ, իսկ հաղթանակ կարող էր համարվել այն, որ մնայինք մեր տեղերում։ Նրա խոսքով՝ չէր կարելի այդպես «բառդակի» վերածել, ՄՈԲ-ը կանչում են, բայց մարդիկ ղեկավար չունեն, չգիտեն ինչով պետք է զբաղվեն։

Աղբյուր` Փաստինֆո