Փաստ ինֆո

«Եկեք մի կարևոր փաստ ֆիքսենք․ Մենք մի ժողովուրդ ենք, որ իր կրոնի ու դավանանքի համար պայքարել ու կյանքը անգամ չի խնայել։ Այսօր էլ մեր հայրենակիցները պայքարում են այդ նույն արժեքների համար»,-այս մասին Հիշատակի երթի ժամանակ ասաց ԱԺ փոխխոսնակ Վահե Էնֆիաջյանը՝ անդարադառնալով այն շահարկումներին, որ մենք ռազմի դաշտում պարտություն ենք կրել և նշեց, որ նման խոսակցություն չի կարող լինել, հայ զինվորը արժանապատվորեն է կռվել ու պաշտպանել հայրենիքը։

«Եկեք հասկանանք՝ առաջին օրերին զինկոմիսարիատներում հերթեր էին, իսկ պատկան մարմնի որոշ ներկայացուցիչներ որքան անկազմակերպ ձևով էին այս գործընթացը իրականացրել։ Ո՞վ է մեղավոր»,-ասաց Էնֆիաջյանը՝ հավելելով, որ եղած իրավիճակը ներկայացնել ու ասել, որ զինծառայողներն ու քաղաքացիներն են մեղավոր,  բարոյական չէ։

«Ունենք կոնկրետ փաստ-իրողություն և պետք է հասկանանք՝ ինչ քայլեր ձեռնարկենք ստեղծված իրավիճակից դուրս գալու համար։ Անիշխանության պայմաններում նորից քաղաքացիները թողնում են իրենց ստեղծածն ու դուրս գալիս, իսկ ոչ մի պետական մարմին չի ասում՝ ինչ է տեղի ունենում։ Պետք է՝ ոչ թե խոսքով, այլ գործով, այսինքն եռամիասնությամբ իրատեսական ծրագրեր ունենանք ու իրագործենք դրանք։ Այս ամենը լավագույնս կարող են անել մարդիկ, որոնք փորձառություն ունեն ու նրանց խոսքը գործ է»,- եզրափակեց Էնֆիաջյանը։

Աղբյուր` Փաստինֆո