Փաստ ինֆո

Արժանապատվության երթի մասնակիցները՝ անցնելով Օրբելի փողոցով սմարթֆոնների միջոցով լուսավորեցին փողոցը։ Հասնելով ֆեյքերի ՊՈԱԿ-ի նախկին շենքի մոտ, երթի մասնակիցները ամոթանքի խոսքեր հնչեցրեցին համացանցում Նիկոլ Փաշինյանին դեմ արտահայտվող քաղաքացիների հասցեին ուղղորդված հայհոյանքներ հնչեցնողներին։ Շեշտեցին, որ համացանցում կեղծ տրամադրություններ են ստեղծվել, որ վարչապետին աջակցողներն ավելի շատ են, քան փողոցում հավաքվածները։ Երթի ժամանակ հիշեցրեցին, որ իրական մարդիկ պայքարում են ավելի լավ ապագայի համար։

Արժանապատվության երթի ժամանակ պարբերաբար հիշեցնում են Փաշինյանի հայտարարությունը, թե «սա էլիտայի բունտ է», որով փորձում են իշխանություն ձևավորևելու իրավունքը ժողովրդից յուրացնել, ինչին քաղաքացիները պատասխանում են, որ երթին մասնակցում են ժողովրդի մտածող հատվածը ու պարբերաբար վանկարկում են «Նիկոլ, դավաճան»։

Քաղաքացիների մի մասը Օրբելի փողոցից դեպի Բաղրամյան պողոտա շարժվեցին թունելի միջով, հարակից շենքերի բնակիչներին ողջունելով,  նրանց կոչ են անում ևս միանալ արժանապատվության պայքարին։

Երթի մասնակիցները շարժվում են դեպի Ֆրանսիայի հրապարակ։ Ցուցարարները մի փոքր կանգ առան խորհրդարանի մոտ, իրենց հորդորը հնչեցրեցին ԱԺ «Իմ քայլը» խմբակցության պատգամավորներին՝ կոչ անելով չպաշտպանել Նիկոլ Փաշինյանին, նաև հավելելով, որ չտրվեն նոր պաշտոնների գայթակղությանը, քանի որ Փաշինյանի հրաժարականից հետո շատ արագ կորցնելու են այդ պաշտոնները։

Աղբյուր` Փաստինֆո