Փաստ ինֆո

Անհետ կորած մի շարք զինվորների ծնողներ ամբողջ գիշեր մնացել են Վայքի զորամասում՝ տեղեկություն պահանջելով իրենց զավակների մասին։

«Էս 70 օր է ինչո՞ւ էրեխեքին ման չեք գալիս: Տենց ուլի դեմքով նստած ես հիմա, քեզ էլ դրել ես չգիտեմ ինչի տեղ: Հել, սիկտիր եղի»,- Վայքի զորամասի աշխատակցին ասել է անհայտ կորած զիվորի հայրը՝ վրդովված:

Անհետ կորած զինվորների հարազատները նախօրերին Վայքի հատվածում փակել էին Երևան- Գորիս միջպետական ճանապարհը, գիշերը մնացել զորամասի տարածքում՝ սպաների հետ հանդիպելու ակնկալիքով։

Ծնողները պահանջում են ներկայացնել այն զինվորականին, որն իրենց երեխաներին տարել է դիրքեր ու հիմա տեղեկություն չունեն։

«Արցախ տարած 26 զինվորից ոչ մեկը չի վերադարձել»,- նշել են ծնողները՝ ավելացնելով. «Ի՞նչ է նշանակում անհայտ կորած, սաղ-սաղ թաղեցի՞ն մեր երեխաներին, ի՞նչ եղան»,- նկատեց ծնողներից մեկը:

Ծնողները հիշեցրել են ՀՀ վարչապետի օգնական Նարեկ Սարգսյանի խոստումը, թե կներկայացնի այն գեներալին, որը ռազմաճակատ է տարել իրենց զինվորներին, բայց խոստումը չի կատարում:
«Այ վարչապետի օգնական անասուն, դու էնքան չկաս, որ մի գեներալի չես կարում բերե՞ս, բա ինչի՞ ես նստել էդ աթոռին: Զանգեք բոլորին խառնեք իրար, ձև չկա, գեներալին պտի բերեք: Հիմա չե՞ք կարողանում ռազմական ոստիկանությունով տվյալ գեներալին բերման ենթարկել»,- ասել է հարազատներից մեկը։

Անհայտ ծնողների ընդունելությունը կազմակերպած սպան որեւէ պատասխան չուներ ծնողներին, նա լուռ լսում էր։ Հանդիպմանը ներկա մեկ այլ զինվորական տեղեկացրեց, որ
հանձնաժողով է ձևավորվել խնդիը լուծելու համար, ինչը առաջացրեց ծնողների վրդովմունքը։

«Եթե հանձնաժողովը 10 տոկոս պատասխան չտվեց, այ այսպես բոլորով գնալու ենք նախարարություն»,- ասաց հանդիպմանը ներկա ծնողներից մեկը։

Մանրամասները՝ տեսանյութում.

Աղբյուր` Փաստինֆո