Փաստ ինֆո

«Փաշինյանի հեռացումը հանրային պահանջ է։ Արժանապատվության երթին հավաքված է մտավորական խավը, զինվորականներ, ոստիկանության նախկին աշխատողներ ու շատ մարդիկ, որոնք մտահոգ են երկրի ապագայով։ Մարդիկ կան, որոնք Նիկոլ Փաշինյանի կողքին են, որոնք զոմբիացված են, դա նույնն է, որ մարդիկ հավատացել են Նիկոլի ստին և այսօր ունենք այն, ինչ ունենք»,- այս մասին այսօր «Արժանապատվության երթի» ժամանակ ասաց Սիսական ջոկատի հրամանատար, գնդապետ, «Մարտական խաչ» 2-րդ աստիճանի շքանշանով պարգևատրված Աշոտ Մինասյանը՝ «Աշոտ Երկաթը»։

«Ուզո՞ւմ են, որ 3 մլն ժողովուրդը,  բոլորը միասին ոտքի կանգնեն և գան այստեղ, ամեն մեկն այդ պահանջն իր տեղում է դնում, բայց քանի որ մարդիկ այսօր հոգսերի մեջ են, սգակիր ընտանիքներ են, իրենք այսօր հնարավորություն չունեն մասնակիցը դառնալու, ամեն մեկն իր ցավն է կրում և չեն կարողանում հավաքներին մասնակցել»,- ասաց գնդապետը։

Մինասյանը հավելեց, որ ոչ ճիշտ կառավարողը պետք է հեռանա:

«Ես ավելի կողմ եմ այն մտքին, որ Նիկոլը դավաճան է և նա դավաճանել է իր ամբողջ իշխանական թևով հանդերձ, ամբողջ իշխանությունը, գումարած ԱԺ-ն կատարել են այն, ինչը թելադրել է Նիկոլ Փաշինյանը»:

Անդրադառնալով օրվա գլխավոր թեմային՝ Կապանի կարևոր հենակետերը թշնամուն հանձնելու հայտարարությանը, Մինասյանը շեշտեց, որ այն տարածքը, որտեղ նա անձամբ կռվել է և մաքրել են ազերիներից, անհասկանալի կերպով Նիկոլ Փաշինյանը հանձնում է ադրբեջանցիներին:

«Մեզ սպասվում է այն, ինչը եղավ 91-ին, թշնամին գալու է ու չոքելու մեր բկին: Պետք է ազգովի ոտքի կանգնենք ու հեռացնենք Նիկոլին: Շատ ենք ուշացել նոր պաշտպանություն ստեղծելու համար, ամեն օր ենք ուշանում»,- ասաց Մինասյանը։

Աղբյուր` Փաստինֆո