Փաստ ինֆո

ԱԱԾ շենքի դիմաց էին հավաքվել արժանապատվության երթի մասնակիցները՝ վարչապետի հրաժարականի պահանջով։ ԱԱԾ-ին ուղղված ուղերձում ԱԺ նախկին փոխնախագահը նշեց, որ սպաները պետք է պաշտպանեն ազգային շահը, ազգային երազանքըն ու օրակարգը, որոնք Նիկոլ Փաշինյանը դարձրել է ադրբեջանական և հանրապետությունը անտերության  մատնել, որտեղ ԱԱԾ աշխատակիցները ծառայում են միայն վարչապետին։ 

«Այսօր ՀՀ-ում պետք է լինի մեկ ազգային օրակարգ՝ հեռացնել նրան, որպեսզի չունենանք նոր գերիներ։ Ոչ ոք չի զբաղվում մեր սահմանների պաշտպանությամբ, անհետ կորածների խնդրով»,- հավելեց Արփինե Հովհաննիսյանը՝ նշելով, որ անհետ կորածների ծնողներն ամեն օր աղերսում են, որ իրեց տեղեկատվություն տան, սակայն ապարդյուն։ Հովհաննիսյանը նաև տեղեկացրեց, որ այսօր հանրային հեռուստաընկերությունից զանգ է ստացել՝ մասնակցնելու կուսակցությունների մասին օրենքի քննարկմանը։

«Պատասխանս՝ Հայաստանում չկա այլ օրակարգ, քան դավաճանի հեռացումն է, չկա այլ օրակարգ,  քան գերիների վերադարձն է ու անհետ կորածների հարազատների արցունքները չորացնելն է, հետևաբար ոչ մի կեղծ օրակարգ Հայաստանում չի կարող լինել»։
Հովհաննիսյանը նաև դիմեց ԱԱԾ սպաներին, կոչ անելով  կանգնել ազգի կողքին, կանգնել ազգային երազանքի ու օրակարգի կողքին։

«Ուզում եմ մի բան էլ ասել սորոսական դրոններով վերեւից մեզ նկարողներին՝ ձեր դեմքը «Եռաբլուրում է»։ «Եռաբլուրը» վերեւից նկարեք: Դաջեք դա ձեր հեռախոսների, ուղեղների, ձեր խղճի վրա: Դա է ձեր պատկերը: Դուք Եռաբլուրն եք պղծել, դուք ազգային շահի հետ կապ չունեք»,-ասաց նա:

Աղբյուր` Փաստինֆո