Փաստ ինֆո

Պաշտպանության նախարարություն գնացեք, հենց հիմա, ինչքան մարդ կա, սաղդ գնացեք՝ այս խոսքերի հեղինակը օրեր ու շաբաթներ շարունակ անհայտ կորած եղբորն ու եղբորորդուն որոնող Արսեն Ղուկասյանն է, որը հուսահատությունից Արցախ է գնացել՝ անձամբ իրականացնելու այն գործը, որ Հայաստանի և Արցախի պաշտպանության նախարարությունները, զինված ուժերը պիտի կատարեին:

Հիմա Ստեփանակերտի Արմենիա հյուրանոցում՝ ճակատագրակից այլ ծնողների հետ մի զարհուրելի փաստի է առերեսվել՝ ՀՀ և ԱՀ ռազմաքաղաքական ղեկավարության, ըստ էության, անգործության պատճառով մեր զավակների մի մասը ադրբեջանցի բարբարոսների ձեռքով սպանվել են, մյուսները՝ գերեվարվել: Ընդ որում, այս ամենն իմանում ենք ազերիների կողմից համացանցում հայտնված տեսանյութերից: Փաշինյանական դավաճանական ծրագրի հերթական զոհերն են: Այլապես, այնքան չէին ձգձգի որոնողական աշխատանքները, անպաշտպան չէին թողնի հայկական դիրքերը, որ զինվորների մի մասը սովից ու ցրտից մեռնեին, մյուսներն էլ՝ գերի վերցվեին կամ էի գիշատիչների զոհ դառնային կամ պարզապես սպանվեին թշնամու կողմից

Սահմռկեցուցիչ այս պատմությունները հայոց բանակին, հայ զինվորներին է վերաբերվում, այն նույն զինվորին, որոնցից յուրաքանչյուրի կորուստը 2016-ին մեզ համար մեծ, համազգային ողբերգություն էր: Նրանց մենք ճանաչեցինք անուն առ անուն: Հիմա, սակայն ժամանակն այլ է, հիմա իշխանությունը թրքապաշտ ՆԱՏՕ-այապաշտ է, ասօրվա իշխանությունը չէր ծրագրել, որ ՌԴ -ն խաղաղապահներով օգնության կգա: Ահա այս՝ ռուս խաղաղապահների գործոնն է, որ կանգնել է փաշինյանականների կոկորդին: Հադրութի անտառներում կյանքի ու մահվան դեմ մաքառող մեր զինվորները պիտի մեռնեին, դրա համար էլ օտարի գործակալ ՀՀ վարչապետն այնքան ձգեց, որ ցրտերն ընկան՝ փոխանակ խաղաղապահների հետ աշխատելու արդյունքում փրկեր նրանց: Նպատակը՝ Փաշինյանի կողմից ոչ միայն բանակի հանդեպ հանրության շրջանում անվստահության սերմանումն է, այլև՝ հայկական բանակի ջլատումը, որն այսօր իրականացվում է:

Այսօր, երբ անզորությունից և սեփական իշխանության կողմից դավաճանված հայ զինվորի ծնողը գրոհում է ՀՀ պաշտպանության նախարարության վրա՝ պահանջելով պաշտպանության նախարարին ու ԶՈւ գլխավոր շտաբի պետին, հանկարծ պարզվում է, որ Հադրութի այդ հատվածներում կապը կտրված է: Սա նույնպես հերթական սուտն է, որ ոտքի վրա հորինվեց՝ արդարացնելու համար իրենց անգործությունը և ռուս խաղաղապահների օգնությանը չդիմելը:

Ի դեպ, բոլորովին տարօրինակ չէ նաև այս օրերին մեկ այլ ՆԱՏՕ-յապաշտ ուժի՝ ծռականների հակառուսական ակցիան, որով հանրությանը փորձում են տրամադրել ՌԴ-ի դեմ:

Այսինքն, խնդիրը հայությանը Արցախից իսպառ վերացնելով՝ գերեվարելով լինի, սպանելով թե՝ Ստեփանակերտի քաղաքացիական բնակչությանը վախեցնելով, ռուս խաղաղապահներին հեռացնելն է , ինչը հերթական անգամ հայությանն իր բնօրրանում վերացնելուն է միտված: Արցախում և Հայաստանում:

Աղբյուր` Փաստինֆո