Փաստ ինֆո

«Մեզ հասան տեղեկություններ, թե Հին Թաղերն անցել է Ադրբեջանին»,- այս մասին «Փաստինֆո»-ի հետ զրույցում ասաց Հադրութի նախկին քաղաքապետ Վահան Սավադյանը՝ հավելելով, որ մանրամասներ  չգիտի, ինքը տեղեկացել է մոտակայքում գտնվող ծանոթներից։

«Ոչ ճիշտ դիվանագիտության պատճառով, ոչ ոք «վիզ չի դրել», դրա համար էլ այդպես ստացվեց»,- ասաց Սավադյանը։

Հարցին՝ արդյոք տարածքում ռուս խաղաղապահներ չեն եղել, երբ գյուղը հայտնվել է Ադրբեջանի վերահսկողության տակ, նշեց, որ տարածքում խաղաղապահները երկու անգամ են եղել։

«Ռուս խաղաղապահները նախ եկել էին մոտ մեկ ամիս առաջ՝ կոորդինատներ վերցնելու, թե ո՞ր տարածքում է տեղակայված  հայկական զորքը ու նորից գնացել։ Ու երբ այս դեպքերը եղավ, նորից եկել են, որ կարգավորեն։ Չգիտեմ ոնց ստացվեց, որ նման որոշում կայացվեց»,- ասաց Սավադյանը։

«Այս պահին ես միայն գիտեմ, որ Խծաբերդը, և Հին թաղերը գտնվում են Ադրբեջանի վերահսկողության տակ և,  կարծում եմ, որոշում են կայացրել որ այդպես էլ մնա, այս պահին մերոնք դիմադրություն ցույց չեն տալիս։ Որոշումը կարծում եմ, կայացրել են ռուս խաղաղապահները, բայց հստակ կասեմ ավելի ուշ»,- ասաց Սավադյանը՝ հույս ունենալով, որ առաջիկա ժամերին իրավիճակը կփոխվի։

Աղբյուր` Փաստինֆո