Փաստ ինֆո

«Երեւանում ակտիվորեն լուրեր են տարածվում, որ քաղաքում բռնել են մի քանի ադրբեջանցու, որոնք ազատ զբոսնում էին մայրաքաղաքում, խոսում են հայերեն եւ նույնիսկ ունեն հայկական անձնագրեր: Ես չգիտեմ, թե որքանով է այդ տեղեկությունը համապատասխանում իրականությանը, բայց կարծում եմ, որ նրանց թիվը բավարար է, և պատերազմի ժամանակ նրանք ևս եղել են»,- այս մասին գրում է բլոգեր Ալեքսանդր Լապշինը՝ ֆեյսբուքյան իր էջում։

Ըստ բլոգերի, և պատերազմի ժամանակ, և հիմա Երևանում եղել են ու կան Ադրբեջանի պետական անվտանգության ծառայության գերատեսչության ներկայացուցիչներ։ Մի մասը ներթափանցել է պատերազմից առաջ եւ նրանք  ունեն հայկական  անձնագրեր:

«Մի մասը փորձում է նաև հիմա ներթափանցել ՀՀ տարածք, հնարավոր է՝ նրանց դա հաջողվել է Լաչինի միջանցքով, որտեղ լիարժեք անձնագրային հսկողություն չկա և հայկական մեքենայով առանձնապես դժվար չէ Հայաստան գալ՝ կեղծ, կամ միանգամայն իրական հայկական փաստաթղթեր ցույց տալով։ Երկրի անձնագրային սեղանների բոլոր ղեկավարների բյուրեղյա ազնվության մեջ ես խիստ կասկածում եմ»,- գրել է Ալեքսանդր Լապշինը։

Բացի այդ, բլոգերը կարծում է, որ ադրբեջանցիները հարյուրավոր հայկական անձնագրեր են զավթել իրենց գրավյալ բնակավայրերից ՝ ԼՂՀ ոստիկանության բաժանմունքներից, բանկերից, զորամասերից։ Հադրութում եւ Շուշիում էլ քիչ չեն հայկական համարանիշներով մեքենաները։

«Ինչո՞ւ է Ադրբեջանը համառորեն Հայաստան նետում գործակալներին՝ ակնհայտ է, որ երկրում իրավիճակի մոնիթորինգի, լրտեսության և սաբոտաժի ու պատվիրված սպանությունների, սադրանքների համար։

Անձամբ ես փորձում եմ հեռու մնալ Նիկոլ Փաշինյանի հրաժարականը պահանջող ցուցարարներից։ Եվ խնդիրը ամենևին քաղաքականության մեջ չէ՝ իմ դիրքորոշումը չեզոք է։ Ինչ-որ տեղ թաքնված Մամեդ Ալիեւը կմոտենա հայերին և կդանակահարի։ Նրան, իհարկե, կբռնեն բայց կպարզվի՝ փաստաթղթերով նա Գավառի բնակիչ Արտակ Հակոբյանն է։ Ինձ դրանից ավելի հեշտ չի լինի և երկրորդ՝ նման միջադեպն օգտագործում են այս կամ այն քաղաքական ուժերը ՝ իրենց շահերից ելնելով»։

Բլոգերը համոզված է, որ և հայ, և ռուս պատկան մարմինները դրանով զբաղվում են և կասեցնում նման գործունեությունը, այնուամենայնիվ կոչ է արել բոլորին զգոն լինել։

Աղբյուր` Փաստինֆո