Փաստ ինֆո

Բնապահպանության նախկին նախարար, ԱԺ նախկին պատգամավոր Վարդան Այվազյանի նկատմամբ կալանավորումը որպես խափանման միջոց ընտրելու մասին միջնորդություն է ներկայացվել դատարան։ Այս մասին «Փաստինֆո»֊ի հետ զրույցում ասաց պաշտպան Միհրան Պողոսյանը։

Ինչպես արդեն տեղեկացրել ենք՝ ԱԱԾ ծառայողները երեկ Վարդան Այվազյանի բնակարանում խուզարկություն են իրականացրել, ապա՝ ԱԱԾ-ում քննվող քրեական գործի շրջանակներում` ձերբակալել։ Ձերբակալման որոշման դեմ բողոք է ներկայացվել դատարան, որը պետք է քննարկվեր այսօր՝ ժամը 16։00֊ին՝ դատավոր Արտակ Թադևոսյանի նախագահությամբ, սակայն դատական նիստը հետաձգվել է, քանի որ դատական նիստից րոպեներ առաջ ԱԱԾ քննիչը միջնորդություն է ներկայացրել դատարան՝ Այվազյանին կալանավորելու մասին։

Պաշտպանը գտնում է, որ վարույթ իրականացնող մարմինը շտապել է Այվազյանին որպես մեղադրյալ ներգրավել և կալանավորելու մասին միջնորդություն ներկայացնել՝ դատավոր Թադևոսյանի նախագահությամբ ձերբալալման որոշման դեմ բողոքը համատեղ քննելու նպատակով։ Պաշտպանի գնահատմամբ՝ վարույթ իրականացնող մարմինն ապօրինություն է կատարել. պաշտպանը միայն դատարանում է տեղեկացել, որ իր պաշտպանյալին որպես մեղադրյալ ներգրավելու որոշում է կայացվել և բանավոր բացատրությունից գիտի, թե ինչ հոդվածով է առաջադրվել մեղադրանքը, նյութերին դեռևս չի ծանոթացել։

Քննիչի բանավոր պարզաբանումից պարզ է դարձել, որ մեղադրանքն առաջադրվել է ՀՀ քրեական օրենսգրքի 300֊րդ հոդվածի 1֊ին մասով՝ ԱԺ և կառավարության լիազորություններին տիրանալը կազմակերպելու համար։ Պաշտպանը նշեց, որ մեղադրանքի էության պարզաբանման հետ կապված մի շարք հարցեր կան, քանի որ ԱԺ֊ն կոլեգիալ մարմին է և կոլեգիալ մարմին լինռլով հանդերձ հնարավո՞ր է տիրանալ լիազորություններին։

«Նախ պետք է հասկանանք՝ լիազորությունները որոնք են՝ օրենք ընդունել և այլն, հասկանանք՝ օրենքը քանի հոգով են ընդունում։ Այսինքն՝ ԱԺ լիազորությունների յուրացում տեղի չի ունենում, քանի դեռ 68 պատգամավորի լիազորությունների միաժամանակյա յուրացում առկա չէ։ Նույնն էլ կառավարությանն է վերաբերում։ Այսինքն՝ ինչ որ անձով կառավարության գործունեություն չի սահմանվում, «Կառավարության գործունեության կարգը և կառուցվածքը սահմանելու մասին» օրենքով նշված է, որ կառավարությունը ձևավորված է համարվում՝ նրա անդամների 2/3֊ի նշանակմամբ։ Այսինքն՝ մեկ անձ չի կարող կառավարության լիազորություն յուրացնել և որ լիազորության մասին է խոսքը»,֊նշեց Պողոսյանը։

Նրա խոսքով՝ ՀՀ վերջին երկու տարվա պատմության մեջ ՀՀ քրեական օրենսգրքի 300֊րդ հոդվածն ամենադասական հոդվածն է, որով ցույց է տրվում, թե գործող իշխանություններն ինչ գործիքակազմով են պայքարում քաղաքական հակառակորդների դեմ։ Պողոսյանն ընդգծեց, որ այդ հոդվածն այնքան անհստակություններ ունի, որ ցանկացածի նկատմամբ կարողանում են ցանկացած գործողություն իրականացնել։

Ըստ Պողոսյանի՝ մեղադրանքը որոշակիությունից զուրկ է և դա արձանագրելու համար բոլորովին կարիք չկա ծանոթանալ մեղադրանքին, քանի որ նշված հոդվածն ինքնին իրավական որոշակիության հետ կապված խնդիր ունի։ Այսինքն՝ որևէ մեկը չի կարող պարզաբանել, թե 300֊րդ հոդվածով նախատեսված գործողությունները` կապված օրինակ՝ ՍԴ֊ի, ԱԺ֊ի և Կառավարության լիազորությունները յուրացնելու հետ, ինչպես կարող է դրսևորվել։

Բնապահպանության նախկին նախարար, ԱԺ նախկին պատգամավոր Վարդան Այվազյանի նկատմամբ կալանավորումը որպես խափանման միջոց ընտրելու մասին միջնորդություն է ներկայացվել դատարան։ Այս մասին «Փաստինֆո»֊ի հետ զրույցում ասաց պաշտպան Միհրան Պողոսյանը։

Ինչպես արդեն տեղեկացրել ենք՝ ԱԱԾ ծառայողները երեկ Վարդան Այվազյանի բնակարանում խուզարկություն են իրականացրել, ապա՝ ԱԱԾ-ում քննվող քրեական գործի շրջանակներում` ձերբակալել։ Ձերբակալման որոշման դեմ բողոք է ներկայացվել դատարան, որը պետք է քննարկվեր այսօր՝ ժամը 16։00֊ին՝ դատավոր Արտակ Թադևոսյանի նախագահությամբ, սակայն դատական նիստը հետաձգվել է, քանի որ դատական նիստից րոպեներ առաջ ԱԱԾ քննիչը միջնորդություն է ներկայացրել դատարան՝ Այվազյանին կալանավորելու մասին։

Պաշտպանը գտնում է, որ վարույթ իրականացնող մարմինը շտապել է Այվազյանին որպես մեղադրյալ ներգրավել և կալանավորելու մասին միջնորդություն ներկայացնել՝ դատավոր Թադևոսյանի նախագահությամբ ձերբալալման որոշման դեմ բողոքը համատեղ քննելու նպատակով։ Պաշտպանի գնահատմամբ՝ վարույթ իրականացնող մարմինն ապօրինություն է կատարել. պաշտպանը միայն դատարանում է տեղեկացել, որ իր պաշտպանյալին որպես մեղադրյալ ներգրավելու որոշում է կայացվել և բանավոր բացատրությունից գիտի, թե ինչ հոդվածով է առաջադրվել մեղադրանքը, նյութերին դեռևս չի ծանոթացել։

Քննիչի բանավոր պարզաբանումից պարզ է դարձել, որ մեղադրանքն առաջադրվել է ՀՀ քրեական օրենսգրքի 300֊րդ հոդվածի 1֊ին մասով՝ ԱԺ և կառավարության լիազորություններին տիրանալը կազմակերպելու համար։ Պաշտպանը նշեց, որ մեղադրանքի էության պարզաբանման հետ կապված մի շարք հարցեր կան, քանի որ ԱԺ֊ն կոլեգիալ մարմին է և կոլեգիալ մարմին լինռլով հանդերձ հնարավո՞ր է տիրանալ լիազորություններին։

«Նախ պետք է հասկանանք՝ լիազորությունները որոնք են՝ օրենք ընդունել և այլն, հասկանանք՝ օրենքը քանի հոգով են ընդունում։ Այսինքն՝ ԱԺ լիազորությունների յուրացում տեղի չի ունենում, քանի դեռ 68 պատգամավորի լիազորությունների միաժամանակյա յուրացում առկա չէ։ Նույնն էլ կառավարությանն է վերաբերում։ Այսինքն՝ ինչ որ անձով կառավարության գործունեություն չի սահմանվում, «Կառավարության գործունեության կարգը և կառուցվածքը սահմանելու մասին» օրենքով նշված է, որ կառավարությունը ձևավորված է համարվում՝ նրա անդամների 2/3֊ի նշանակմամբ։ Այսինքն՝ մեկ անձ չի կարող կառավարության լիազորություն յուրացնել և որ լիազորության մասին է խոսքը»,֊նշեց Պողոսյանը։

Նրա խոսքով՝ ՀՀ վերջին երկու տարվա պատմության մեջ ՀՀ քրեական օրենսգրքի 300֊րդ հոդվածն ամենադասական հոդվածն է, որով ցույց է տրվում, թե գործող իշխանություններն ինչ գործիքակազմով են պայքարում քաղաքական հակառակորդների դեմ։ Պողոսյանն ընդգծեց, որ այդ հոդվածն այնքան անհստակություններ ունի, որ ցանկացածի նկատմամբ կարողանում են ցանկացած գործողություն իրականացնել։

Ըստ Պողոսյանի՝ մեղադրանքը որոշակիությունից զուրկ է և դա արձանագրելու համար բոլորովին կարիք չկա ծանոթանալ մեղադրանքին, քանի որ նշված հոդվածն ինքնին իրավական որոշակիության հետ կապված խնդիր ունի։ Այսինքն՝ որևէ մեկը չի կարող պարզաբանել, թե 300֊րդ հոդվածով նախատեսված գործողությունները` կապված օրինակ՝ ՍԴ֊ի, ԱԺ֊ի և Կառավարության լիազորությունները յուրացնելու հետ, ինչպես կարող է դրսևորվել։

Պաշտպանը վստահ է՝ սույն քրեական գործը որևէ հեռանկար չունի։ Բացի դա՝ սա քրեական գործերի փունջ է եղել, որը միացվել է մեկ վարույթում, ամբողջը մեկ քրեական գործ է՝ վարչապետի առանձնատնից օծանելիքների հափշտակության վերաբերյալ, Արարատ Միրզոյանին ծեծի ենթարկելը, ԱԺ, Կառավարության շենքեր մտնելը և նման անհստակությունը, ըստ պաշտպանի, դիտավորյալ է, որ կարողանան՝ ցանկացած անձի, որն այդ օրը փողոցում է եղել կամ անհամաձայնություն ունի, սույն քրեական գործով հետապնդում իրականացնել։

Ինչ վերաբերում է երել Այվազյանի բնակարանում իրականացված խուզարկությանը, պաշտպանը հայտնեց, որ քրեական գործի հետ կապված որևէ իր չի առգրավվել, առգրավել են Այվազյանի որսորդական հրացանները։

Հիշեցնենք, որ նոյեմբերի 9-ի լույս 10-ի գիշերը Նիկոլ Փաշինյանի կողմից կապիտուլյացիոն հայտարարություն ստորագրելու մասին հայտարարությունից հետո մի խումբ քաղաքացիներ բազմամարդ ակցիաներ են իրականացրել թե՛ ԱԺ-ի, թե՛ կառավարության և թե կառավարական առանձնատան մոտ։ Ակցիաների մասնակիցների մի մասը մուտք են գործել ԱԺ և կառավարության շենքեր, ինչպես նաև՝ կառավարական առանձնատուն։ Ըստ տարածված տեղեկատվության՝ քաղաքացիներից մի քանիսը կոտրել են կառավարության շենքի պատուհանները և դռները, ԱԺ-ում՝ բռնակներ, իսկ Նիկոլ Փաշինյանի հայտարարության համաձայն՝ կառավարական առանձնատնից անհետացել է օծանելիք, համակարգիչ և այլ իրեր։ Դեպքի առթիվ հարուցվել է քրեական գործ։

Հեղինակ՝ Իզաբել Սահակյան

Աղբյուր` Փաստինֆո