Փաստ ինֆո

Երեւանի պետական համալսարանի բակում երիտասարդները մոմավառություն են անում՝ ի հիշատակ Արցախյան պատերազմում նահատակված զինվորների։

Համալսարանի բակում երիտասարդների հետ են նաև եկեղեցականները ու մաիսնական աղոթքը սկսեցին ավետարանական խոսքով։

«Չկա ավելի մեծ սեր, երբ մարդն իր անձն է տալիս եղբորը։ Հավաքվել ենք այստեղ, որպեսզի պատշաճ հիշատակի ու խոնարհումի տուրքը բերենք մեր նահատակներին։ Նրանք յուրքանչյուրի համար ընկեր, սան, ուսանող են եղել։ Վկայում ենք այն սիրո մասին, որ իրենք տվեցին մեզ՝ իրենց անձը զոհելով։ Մոմավառությունը պատասախան է այդ սիրո, բայց հասկանում ենք, որ սա ամբողջական չէ։ Սա ուղղակի փոքր քայլ է, որ յուրքանչյուրս պարտավոր է անել՝ իրենց հիշատակը վառ պահելու, և ամենակարևորը պատասխանատվության գործոնն է, որ յուրքանչյուրիս հիշեցնում է, որ նրանց հիշատակի համար մեկս մյուսի հետ պետք է միասին լինենք՝ բարի և աստվածահաճո արարքի մեջ ու դարձնելու գործ»։

Ներկաները մեկ րոպե խոնարհումով հարգեցին զոհերի հիշատակն ու կարդացին տերունական աղոթք։

Երիտասարդները ծիսական երգից հետո համալսարանի բակում՝ Արցախյան առաջին պատերազմին նվիրված հուշակոթողի մոտ դրեցին վառվող մոմերը։

Երիտասարդները կարծում են՝ պարտավոր են վառ պահել անմահացած զինվորների հիշատակը և նմանատիպ միջոցառումները պետք է լինեն իրենց օրակարգում։

«Նրանք զոհվեցին հանուն մեր բոլորիս, մեր խաղաղ ապագայի և իմ համոզմամբ՝ նրանք մեզ սխալվելու տեղ չեն տվել։ Կարճ ժամանակում պետք է լուծենք մեր ներքին խնդիրները ու վերստին հզորացնենք մեր երկիրն ու հետ վերադարձնենք մեր տարածքները, որովհետև դա մեր սուրբ հայրենիքն է։ Մեր բոլոր տղաներից կորուստներ ենք ունեցել։ Երբ էնտեղ էինք՝ պայքարում էինք հավատով, որ մի թիզ հող չպետք է մնա թշնամուն։ Յուրքանչյուրս պետք է պարտավոր զգանք մեր հերոսների առաջ»,- ասաց ներկա երիտասարդներից մեկը։

Աղբյուր` Փաստինֆո