Փաստ ինֆո

Մինչև այս իշխանությունները չփոխվեն, բոլոր գործերի բացահայտումն անհնար է։ Քանի դեռ երկիրը «հոգեկան հիվանդի» ձեռքին է, վերջիններիս գործողությունների տրամաբանությունը հասկանալը դժվար է։ Իրավապահ համակարգը, հատկապես՝ ՀՔԾ-ն առաջնորդվում են այդ «հոգեկան հիվանդ» մարդու տրամաբանությամբ»,- «Փաստինֆո»-ի հետ զրույցում ասաց «Ազգային անվտանգություն» կուսակցության նախագահ Գառնիկ Իսագուլյանը։

Ինչպես արդեն տեղեկացրել ենք՝ նոյեմբերի 23-ին Գառնիկ Իսագուլյանը հրավիրված մամուլի ասուլիսի ընթացքում հանդես էր եկել աղմկահարույց հայտարարություններով, մասնավորապես նշել , որ հակառակորդի 400 հոգանոց խումբը Հադրութ քաղաք է մտել թիկունքից՝ Նախիջևանից Քաջարանով անցել է Արցախ և առանց խոչընդոտ գնացել մինչև Հադրութի թիկունք։ Բացի այդ նշել էր, որ ԱԱԾ այն ժամանակվա տնօրեն Արգիշտի Քյարամյանը անձնագրային բաժանմունքների ղեկավարների միջոցով 1400 հայկական անձնագիր է բաժանվել հայերեն իմացող ադրբեջանցիների։ Մյուս աղմկահարույց բացահայտումը վերաբերում է Շուշիին։

ՀՔԾ-ում նախապատրաստված նյութերի հիման վրա քննիչի կողմից որոշում է կայացվել՝ քրեական գործի հարուցումը մերժելու մասին՝ հանցագործության դեպքի բացակայության հիմքով։ Փոխարենը քրեական գործ է հարուցվել Իսագուլյանի դեմ՝ սուտ մատնություն կատարելու հատկանիշներով։

Իսագուլյանը «Փաստինֆո»-ի հետ զրույցում նշեց, որ ինքն ուղղություն է ցույց տվել՝ ինչպես ստուգեն, ամենևին բարդ չէր սուգել, թե 2018թ մայիսից առ այսօր անձնագրային բաժիններն ինչքան անձնագրեր են բաժանել տարբեր մարդկանց, արդյոք այդ մարդիկ գոյություն ունեն։
«Շատ պարզ մեխանիզմ է։ Իրենք նման ճշգրտում արե՞լ են՝ չեն արել։ Եթե որևէ մեկը, այդ թվում՝ ԱԱԾ-ն, դատախազությունը պահանջեին բոլոր համապատասխան անձնագրային բաժիններից տեղեկություններ այն մասին, թե վերջին 2.5-3 տարվա ընթացքում հայկական անձնագրեր ովքեր են ստացել, կպարզեին՝ այդ մարդիկ գոյություն ունեն, որտեղ են գտնվում։ Իրենք ինչպե՞ս ճշտեցին՝ ես ճիշտ եմ ասել, թե սուտ, քանի որ նման ուսումնասիրություն որևէ մեկը չի արել»,- նշեց Իսագուլյանը՝ ընդգծելով, որ ամբողջ ողբերգությունն այն է, որ հոգեկան հիվանդին բերեցին իշխանության, այդ հոգեկան հիվանդը շատ կարևոր պաշտոններում նշանակեց այլ հոգեկան հիվանդների, որոնք կուրորեն իր հրամանն էին կատարում։

Իսագուլյանը փաստեց, որ շատ կարևոր հայտարարություններ է արել, քանի որ 400 հոգին ոչ թե ինչ-որ տեղից են եկել Հադրութի թիկունք, այլ՝ ՀՀ տարածքով Նախիջևանից մտել և գնացել են և այդ հանգամանքները ստուգելու փոխարեն, ասում են՝ ինչպես կարող է 1400 ադրբեջանցի հայերեն խոսել իմանա, մինչդեռ միայն Մասիսում ժամանակին 40.000 թուրք է ապրել, որոնք հիանալի տիրապետել են հայերենի։
«Էլ չեմ ասում մյուս շրջանները, այդ թվում՝ Երևանը, բայց այնքան տխմար են, որ ասում են՝ ինչպես կարող է 1400 ադրբեջանցի հայերեն իմանալ։ Հիմա Հայաստանում առնվազն 100.000 հայ կա, որոնք հրաշալի տիրապետում են ադրբեջաներենին, որովհետև նախկինում ապրել են Բաքվում, Սումգայիթում և այլ տարածքներում։ Այսինքն՝ գործը հասցնում են աբսուրդի։ Օրինակ՝ Քյարամյանի հայրը թուրք է։ Դժվա՞ր էր ճշտել՝ ով է Քյարամյանի հայրը։ Պատրաստ եմ արյուն տալ՝ գուցե իմ տղան է։ Բա ԱԱԾ-ի տնօրենի հորը ճշտե՞լ են ով է, մարդը հայր չունի չէ, հայրը հայտնի չէ»,- նշեց Իսագուլյանը։

Իսագուլյանը նշեց, որ դեռևս նախապատրաստվող նյութերի շրջանակներում հրաժարվել էր ՀՔԾ-ում բացատրություն տալ՝ օգտվելով իր լռելու իրավունքներից և որևէ բան ասելու ցանկություն չունի, քանի դեռ ՀՀ վարչապետն է Նիկոլ Փաշինյանը, իսկ այդ կառույցները սպասարկում են հոգեկան հիվանդ հայրենիքի դավաճանին և նրա կնոջը։

«Գնամ այնտեղ ինչ -որ մարդկանց անուններ տամ, որոնց կալանավորեն, ստիպեն, սպանեն և այլն»,- ասաց Իսագուլյանը՝ հավելելով, որ իշխանափոխությունից հետո ամեն ինչ կբացահայտվի, ըստ օրենքի, կկանչեն բոլոր անձնագրային հիմնարկների ղեկավարներին և կհետաքրքրվեն՝ անձնագրերը և այդ անձինք որտեղ են։

Իսագուլյանն ընդգծեց, որ ինքը բավականին համեստ թիվ է ասել և խոսքը տասնյակ հազար անձնագրերի մասին է, ինքն ասել է միայն այնքան, որքան տվել են ազերի հատուկ ծառայության աշխատակիցների, որոնք տարբեր ջոկատների կազմերում և խմբերի կազմում հայտնվել են Արցախում։

«Նրանք, որոնք չեն հավատում, պարզապես չեն պատկերացնում՝ ինչ ասել է Նիկոլ Փաշինյան՝ հոգեկան հիվանդ, մարդ, որ իր ամբողջ կյանքի ընթացքում քարոզել է թուրքասիրություն։ Նույնիսկ վստահ եմ՝ իր հայրը թուրք է»,- նշեց Իսագուլյանը։

Իսագուլյանը գտնում է, որ հետագայում և գլխավոր դատախազը, և ՀՔԾ պետը կենթարկվեն պատասխանատվության՝ պետական դավաճանության համար, քանի որ վերջիններս իրենց գործողություններով իրենք նպաստել են մի ուրիշ պետական դավաճանության։ Իսագուլյանը հիշեցրեց, որ որոշ ժամանակ անց հաղորդում էր ներկայացրել գլխավոր դատախազի գործողությունների դեմ, որի հիման վրա հարուցվել էր քրեական գործ, մասնավորապես, վերջինս գիշերային հավաքարարի հեռախոսով զանգում և սպառնում էր Իսագուլյանին և իր ընտանիքին և, թեև հավաքարար կինը ճանաչել էր գլխավոր դատախազին, գործի վարույթը կարճվել է։ Իսագուլյանը վստահ է, որ հետագայում այս գործը ևս կվերաբացվի։

Աղբյուր` Փաստինֆո