Փաստ ինֆո

«Նիկոլ Փաշինյանը սարսափում է Ալիևից, որովհետև Ալիևը գաղտնիք ունի, շատ մեծ գաղտնիք: Այդ գաղտնիքի ուժով է Փաշինյանը շարունակում կառչած մնալ վարչապետի աթոռից, նա պարզապես վախից հրաժարական չի ներկայացնում, որովհետև իրեն ասել են, որ, եթե, հանկարծ փախնի, այդ գաղտնիքը ջրի երես դուրս կգա,- ասում է «Մեկ Հայաստան» կուսակցության նախագահ Արթուր Ղազինյանը, «Փաստինֆո»-ի հետ զրույցում՝ վերլուծելով փաշինյանական առեղծվածը, թե ո՞ր պարագայում խայտառակ կապիտուլյացիայի ակտ ստորագրած և երկիրն ու բանակը պարտության հասցրած ղեկավարը վայր չէ դնի լիազորությունները, - ոչ մի տեսակի տրամաբանության մեջ՝ ո´չ քաղաքական, ո´չ բարոյական, չի տեղավորվում նրա՝ մինչ այս պահը վարչապետի պաշտոնում մնալու իրողությունը: Ինքը շատ լավ է հասկանում, որ Հայաստանի Հանրապետությունում որևէ քաղաքական ապագա, իրեն արդեն չի սպասում: Պարզապես, Ալիևը դեռ իր հաշիվները չի մաքրել Հայաստանի ու հայ ժողովրդի հետ, նրան դեռ Սյունիքն է պետք, և, քանի դեռ այս ծրագիրը վերջնական իրականացման չի հասել, դավաճան Փաշինյանին չեն թողնելու, որպեսզի նա հեռանա»:

Արթուր Ղազինյանը նշում է՝ երբ կբացահայտվի Փաշինյանի վարած դավաճանական քաղաքականության ողջ ծավալը, մարդիկ ականատես կլինեն անհավատալի և զարհուրելի մի իրողության. «Խոսքս պետական դավաճանության մասին է, որի վերաբերյալ ես քրեական օրենսգրքի 299 հոդվածի մասով հաղորդում եմ ներկայացրել: Վերադառնալով հարցին՝ այն հանգամանքը, որ մինչ օրս Նիկոլ Փաշինյանը մնացել է իշխանության ղեկին, սա, ամենաքիչը տարակուսանք է առաջացնում և հիմք է տալիս ենթադրելու, որ գործ ունենք դավադրության կամ մի այնպիսի անշրջելի և անհաղթահարելի իրողության հետ, որը նրան ստիպում է նրան մնալ Հայաստանի Հանրապետության ղեկավարի աթոռին»:

Թե ի՞նչ գաղտնիքի մասին է խոսքը, որին, ըստ Արթուր Ղազինյանի, տիրապետում է Ալիևը, որից այդքան վախենում է Նիկոլ Փաշինյանը, վերջինս այս պահին զերծ է մնում չակերտներ բացելուց: Քրեական գործ կհարուցվի, ամբողջական նախաքննություն կիրականացվի, որի շրջանակներում, իշխանափոխությունից հետո, ամեն մանրունք պարզ և հասկանալի կդառնա հասարակական լայն շերտերի համար:

Հարցին՝ արդյո՞ք այդ գաղտնիքը որևէ կապ ունի Հայաստանի Հանրապետության տարածքային ամբողջականության հետ կամ արդյո՞ք վտանգված է մեր երկրի հետագա ճակատագիրը, Արթուր Ղազինյանը պատասխանում է՝ «Վտանգի չափերն ահռելի են, դա սպառնում է Հայաստանի Հանրապետությանը, բառի ամենալայն իմաստով՝ երկրի արտաքին սահմաններին, ներքին կայունությանը, այլ կերպ ասած՝ պետության լինելիությանը ընդհանրապես»:

Անդրադառնալով երեկ՝ մինչ օրս տեղի ունեցած աննախադեպ իրողությանը՝ Երևան- Բաքու ուղիղ չվերթի իրականացման թեմային, Արթուր Ղազինյանը նկատում է՝ սա ևս ինչ – որ չափով կապված է լինելու Ալիև - Փաշինյան հանցավոր համագործակցության շրջանակներում առկա վտանգի հետ, դրա մի դրսևորումն է, որի մասին ապագայում տեղեկություններ կիմանանք. «Վերջին երկուս ու կես տարիների ընթացքում տեղի ունեցած քաղաքական գործընթացների ամբողջական վերլուծությունն ու փաստերի համադրումը, դրանց պատճառահետևանքային կապերի ուսումնասիրությունը, քրեաիրավական տերմինաբանությամբ՝ դրանց համադրումը հանգեցնում է այն իրողությանը, որ հանցավոր համագործակցության միջոցով պետական դավաճանություն է տեղի ունեցել, իսկ մոտիվը՝ ինչի՞ համար է դա տեղի ունեցել և կոնկրետ ովքե՞ր են մասնակցել պետական դավաճանության գործընթացին, կպարզի նախաքննությունը»:

Արդյո՞ք փախուստների մեծ փորձ ունեցող Նիկոլ Փաշինյանին այս անգամ ևս կհաջողվի լքել երկիրը և զերծ մնալ օրենքով նախատեսված պատասխանատվությունից, «Մեկ Հայաստան» կուսակցության նախագահ Արթուր Ղազինյանը նկատում է՝ որպես իրավաբան և կուսակցության նախագահ, իր հետագա ողջ մասնագիտական գործունեության հիմքում դրվելու է պետական դավաճանություն իրականացրած խմբին Հայաստանի Հանրապետությունում քրեական պատասխանատվության ենթարկելու գործը, անկախ նրանից՝ կհաջողվի՞ նրանց, այդ թվում նաև Նիկոլ Փաշինյանին, լքել Հայաստանի Հանրապետության սահմանները, թե՞ ոչ:

Հեղինակ՝ Նվարդ Մանվելյան

Աղբյուր` Փաստինֆո