Փաստ ինֆո

Մեր ամբողջ գործողությունների ծրագիրը Ադրբեջանը իմացել է։ Նրանց համար ապահովվել է նահանջի ամբողջ ճանապարհը և հարձակման գործողությունների պլանը։ Եղել են սարսափելի դավաճանություններ,- «Ազգային անվտանգություն» կուսակցության նախագահ Գառնիկ Իսագուլյանը հանդես է եկել աղմկահարույց հայտարարություններով:

Իսագուլյանը պնդում է, որ աշխարհազորի անվան տակ ձևավորվել են ջոկատներ՝ կազմված ադրբեջանցիներից և ունեցել են հայկական անձնագրեր, տիրապետել են հայոց լեզվին։

Հենց նրանք են Հայաստանից ներթափանցել Արցախ ու հետագայում  դարձել հայտնի դիվերսանտները։ Իսագուլյանը հույս ունի, որ՝ երբ որ փոխվեն իշխանությունները, այն ժամանակ էլ  կքննվեն այն գեներալները, որոնք զարմանալիորեն հայտնվել են շրջափակումների մեջ՝ կպատմեն ամեն ինչ։

«Այն, որ Աննա Հակոբյանն իրեն պատկերացրել է Եկատերինա երկրորդի դերում և, որ ունեցել է ֆավորիտներ՝ միանշանակ է։ Հիմնական ֆավորիտը եղել է Սամվել Բաբայանը։ 19-ի լույս 20-ի գիշերը, երբ որ Նիկոլը Լենա Նազարյանին էր պատմում, թե ինչ հանճարեղ ծրագիր են նախապատրաստել, Սամվել Բաբայանն ու Աննա Հակոբյանը բունկերում նախապատրաստում էին հաջորդ դավաճանությունը։ Նիկոլը կնոջն ուղարկել է, որ վերահսկի։

Այն գործողությունը, թե իբր պետք է գրավեին Լելե Թեփեն, իրենք նախապատրաստում էին  6-ին ու 7-ին։  Հարձակման պլանը  ծրագրել են Աննա Հակոբյանը և Բաբայանը։ Այդտեղ ունեցել ենք 1300 զոհ»,- ասաց Իսագուլյանը։

«Ազգային անվտանգություն» կուսակցության նախագահը պնդում է, թե սահմանի անցման հնարավորությունն ապահովել են Նիկոլ Փաշինյանի կողմից նշանակված սահմանապահ զորքերի հրամանատարը և Անդրանիկ Փիլոյանը։ «Հավատացեք՝ 5 միլիարդի համար Նիկոլը պատրաստ է եղել ցանկացած գործողության»։

Գառնիկ Իսագուլյանը մեկ անգամ էլ անդրադարձավ Ջալալ Հարությունյանի մեքենայի պայթյունի դեպքին,  վստահեցրեց, որ սպանության փորձ է արվել։ Վստահ է՝ մի օր Հարությունյանն անձամբ կպատմի՝ որտե՞ղ է եղել սպանության փորձի նախորդ գիշերը և ո՞ւմ հետ։

«Նա հրաշալի զինվորական է, բայց Աննան՝ կենակցելով բոլոր գեներալների հետ,  ցանկություն ուներ այդ միջոցով վերահսկողության տակ վերցնել բոլորին։ Զինվորների համար դա ոչ միայն բարոյական,  այլ ամեն կարգի աջակցություն է»։

Գառնիկ Իսագուլյանը համամիտ չէ այն հայտարարությունների հետ, թե վարչապետը պետք է հեռանա, թեկուզ խուսափելով արդարադատությունից։
«Նիկոլն ու կնիկը պիտի դատվեն ամենախիստ դատով։ Իր յուրայինները պիտի իրեն կախեն հրապարակում ու ինքը փրկություն պիտի չունենա։ Հայրենիքի դավաճանը իրավունք չունի փրկվելու»,- եզրափակեց Իսագուլյանը։

Աղբյուր` Փաստինֆո