Փաստ ինֆո

«Պատերազմի առաջին օրերից հայտարարեցի, որ 400 հոգի Նախիջևանից Քաջարանի տարածքով անցել են Արցախ ու մտել Հադրութի թիկունք, եղել են ուղեկցողներ»,- այս մասին լրագրողների հետ հանդիպմանն ասաց «Ազգային անվտանգություն» կուսակցության նախագահ Գառնիկ Իսագուլյանը, հավելելով, որ 1400 ադրբեջանցու, որոնք հրաշալի հայերեն գիտեին, տրվել են հայկական անձնագրեր։ 

Արցախյան պատերազմի ժամանակ կոնկրետ և ուղղորդված կրակ է արձակվել ու Իսագոլյանը կարծում է՝ մինչև իշխանությունները չփոխվեն, հարցերը լուծում չեն ստանա։ Իսագուլյանը նշել է, որ Նիկոլ Փաշինյանը 5 միլիարդ դոլարով վաճառել է Արցախը, գործարքը կատարել է անձամբ Ալիևի հետ, իսկ այդ գումարից մի մեծ բաժին հատկացվել է ԱՀ նախագահ Արայիկ Հարությունյանին։

«Պատերազմի օրերին Արայիկ Հարությունյանի հանձնարարությամբ՝ ԱՀ ԱԱԾ տնօրեն Կամո Աղաջանյանը, Արցախի ԱԱԾ աշխատակից գնդապետի գործուղում է Հայաստան, որպեսզի Հայաստանի ԱԱԾ-ի աջակցությամբ առևանգեն քաղաքացի՝ Ա. Խ-ին՝ Արցախ տանելու նպատակով»։
Իսագուլյանը ապացույցներ ունի՝ քաղաքացին առևանգումից առաջ հասցրել է իրեն զանգահարել։

«Հասկանում եմ, որ նրան տանում են սպանելու, ոնց որ տարել էին Մենուա Հարությունյանին։ Անմիջապես կապվում եմ շատերի՝ այդ թվում ԱՀ նախագահի հետ, ասում՝ եթե նա մահացավ, ինքս գալու եմ ու ձեզ գնդակահարեմ։ Քաղաքացուն տանում են ԱԱԾ շենք, Արայիկ Հարությունյանի և Աղաջանյանի ներկայությամբ դաժան ծեծի են ենթարկում։ Ծանր ցնցումներով նրան հասցնում են Երևան՝ խայտառակ վիճակում։ Նրանից ստիպողաբար գրություն են վերցնում»։

Գառնիկ Իսագուլյանն ասաց, որ քաղաքացին 10 օր ծայրահեղ ծանր վիճակում է եղել։ Հիմա վստահ են՝ գործը չի բացահայտնելու։
«Պատերազմի օրերին պարտվող պետության ղեկավարը վրեժ է ուզում լուծել քաղաքացուց, որը համարձակություն է ունեցել ճշմարտությունն ասել»,- ասաց Իսագուլյանը։

Աղբյուր` Փաստինֆո