Փաստ ինֆո

Մենք գործելու ենք բացառապես օրենքի շրջանակում և օրենքով թույլատրված բոլոր միջոցներն օգտագործելու ենք մեր ակցիաներն իրականացնելու համար: Այս մասին ընդդիմության նախաձեռնած ակցիայի ժամանակ ասաց «Հայրենիք» կուսակցության նախագահ Արթուր Վանեցյանը:

«Մարդ, որը 2.5 տարի առաջ Աժ-ի դիմաց պայքարում էր ոստիկանների հետ, ասում էր՝մի՛ պաշտպանեք իշխանություններին, ասում էր՝ ես չեմ բաժանելու ինձ և ժողովրդին ոստիկանական պատնեշով, այսօր հազարավոր ոստիկաններ են այստեղ՝ մահակներով և հատուկ հանդերձանքով, փորձում են պաշտպանել Նիկոլին իր սեփական ժողովրդից»,-ասաց Արթուր Վանեցյանը:

Վերջինս ընգծեց, որ իրենց քաղաքական պայքարն ունի տրամաբանություն և ամեն ծրագիր չէ, որի մասին նախապես պետք է բարձրաձայնեն:
«Նիկոլ Փաշինյանը վախեցած թաքնվում է կամ կառավարական ամառանոցում, կամ ինչ-որ բունկերներից փորձում է ղեկավարել երկիրը»,-ասաց Վնաեցյանը:

Անդրադառնալով նաև վարչապետի հրաժարականի պահանջին հոգևորականների միանալուն՝ Արթուր Վանեցյնաը ասաց.
«Հավատք ունեցող մարդը, աստվածավախ մարդը պետք է հրաժարական տա կամ գոնե գտնի ինչ-որ լուծում, արձագանքի դրան: Նա որևէ կերպ չի արձագանքում մեր երկու Հայրապետերի խոսքին և շարունակում է իրեն դնել անհասկացողի տեղ, կամ փորձում է ցույց տալ, որ ինքը չի լսում»,-ասաց Վանեցյանը՝ վստահեցնելով Նիկոլ Փաշինյանը գնալու է, որևէ մեկը դրանում չի կասկածում:

Պատասխանելով նաև այն հարցին՝ վարչապետի աջակիցների ակցիայով արդյո՞ք քաղաքացիական պատերազմի փորձեր չեն արվում, Արթուր Վանեցյանն ասաց.

«Վարչապետի աջակից կոչեցյալները մեր քաղաքացիներն են, մեր հայերն են և ես որևէ կերպ չեմ ուզում վիրավորել, բայց դուք տեսնում ենք նրանց մակարդակը, նրանց քանակը, ասելիքը: Ես կոչ եմ անում այդ մարդկանց չտրվել գայթակղությունների»:

Արթուր Վանեցյանը նաև ասաց՝ ունի տեղեկություններ, որ այսօր Ապարան քաղաքում «ի աջակցություն վարչապետի» ակցայի մասնակիցները Եհովայի վկաներ աղանդի անդամներ են:

Աղբյուր` Փաստինֆո