Փաստ ինֆո

Ատելության և ստի հեղափոխության ջատագովներից մեկն էր դերասանուհի Արսինե Խանջյանը, ով թավշյա իշխանության բրենդային պերսոնաժներից էր: Նրա Կանադայի տանն սյս օրերին, ըստ ԶԼՄ-ների, պատսպարվում են Փաշինյանի երկու դուստրերը: Բայց «աննկուն հեղափոխական» սույն տիկինը, փաստորեն, նաև գաղափարական աջակցություն է ցուցաբերում Արցախը թշնամուն հանձնած և այդ մասին սև թուղթ ստորագրած Փաշինյանին: Այս մասին է վկայում նրա ֆբ էջը, ուր վերջինս, ըստ էության մեղադրում է ՀՅԴ-ին և ընդդիմադիր 16 կուսակցություններին ռևանշիզմի մեջ: Այսինքն, տիկինը, որի ձայնն անցած երկու տարիներին դուրս չէր գալիս, ընդդիմության վերջին հուժկու հանրահավաքից հետո մի տեսակ «դիսկոմֆերտ» -ի մեջ է հայտնվել: Ասում է՝ իր Հայաստան -դրախտավայրը վերածվել է Հայաստան-դժոխավայրի:

Այս հարցում, մենք էլ համամիտ ենք հայրենիքը հեռվից սիրող դերասանուհու հետ: Բայց այ, բաց հասարակության վերածվելու նիկոլաարսինեական մտածողությունը մերը չէ, մերը իրական հայրենիքն է, ուր ապրում ենք մենք ու մեր սերունդները, Հայաստանի պետականության գլխին կախված բազմաթիվ վտանգները՝ ԼԳԲՏ- ներից մինչև գոյաբանական՝ չեզոքացնելն է, իսկ այդ ամենի մեջ նաև իր լուման կա: Ինքը, նաև ինքն է մեղավոր, որ Հայաստանում իշխանության եկավ պարտվողականության քարոզիչ Փաշինյանը՝ Արցախի 80 տոկոսը հանձնելով թշնամուն: Կանադայում ապրող, սակայն Հայաստանում հեղափոխություն անող Արսինե Խանջյանն իր մեղքի բաժինն ունի 5000-ից ավելի հայ երիտասարդների կորստյան, 10000-ի հասնող հաշմանդամների, գերյալների և անհայտ կորածների հարցում:

Արսինե Խանջյա՛ն, դուք ձեր թևերը փռելով Հայաստանը կործանման տանող Փաշինյանի վրա, կիսում եք, մաս եք կազմում այն զարհուրելի դավաճանական ծրագրի, որին լծված է վարչապետի աթոռին կառչած Փաշինյանը:

Եվ ուրեմն, փաշինյանական երկուսուկես տարվա այս ավերից հետո էր, որ Հայաստան-երկիր դրախտավայրը հայության համար դժոխքի վերածվեց: Այդ թվում՞ նաև ձեր, «շնորհիվ և ջանքերով»: Բայց այդպես չի մնա, «Հայաստանն առանց Նիկոլի» կարգախոսը այլևս հրամայական պահանջ է:

Հեղինակ՝ Ա.Ե.

Աղբյուր` Փաստինֆո