Փաստ ինֆո

Ամերիկյան հեղինակավոր «The Washington Post» պարբերականն անդրադարձել է Երեւանում դեկտեմբերի 5-ին տեղի ունեցած հանրահավաքին՝ արձանագրելով, որ դրան մասնակցել է մի քանի տասնյակ հազար մարդ։

«Շաբաթ օրն ընդդիմության մի քանի տասնյակ հազար կողմնակիցներ քայլերթ են իրականացրել՝ պահանջելով հետսովետական երկրի վարչապետի հրաժարականը»,- գրել պարբերականը՝ նշելով, որ Ադրբեջանի ու Լեռնային Ղարաբաղի միջեւ վեց շաբաթ տևած կատաղի մարտն ավարտվել է Ռուսաստանի միջնորդությամբ նոյեմբերի 10-ին կնքված զինադադարի փաստաթղթով:

Հայաստանի ընդդիմադիր կուսակցությունները նախազգուշացրել են վարչապետ Նիկոլ Փաշինյանին, որ քաղաքացիական անհնազանդություն ակցիաներ կլինեն ամբողջ երկրում, եթե նա հրաժարական չտա մինչև երեքշաբթի կեսօր: Մասնակիցները վանկարկել են «Նիկոլ, դավաճան», «Նիկոլ, հեռացիր» ու քայլերթով շարժվել դեպի նրա կեցավայր։

«Հայաստանի վարչապետի աթոռը ներկայումս զբաղեցնում է քաղաքական դիակը»,-«Հայրենիք» ընդդիմադիր կուսակցության առաջնորդ, ԱԱԾ նախկին ղեկավար Արթուր Վանեցյանի խոսքերը մեջբերել է «The Washington Post»-ը:

Հայ առաքելական եկեղեցու մի քանի քահանաներ նույնպես միացել են բողոքի ցույցին ՝ դատապարտելով Փաշինյանին:
Հայաստանի ընդդիմության առաջնորդները նշում են, որ Փաշինյանը պատասխանատու է այն բանի համար, որ չի կարողացել բանակցություններ վարել պատերազմը ավելի վաղ դադարեցնելու ուղղությամբ՝Հայաստանի համար համեմատաբար նպաստավոր պայմաններով:

Քաղաքական գործիչ Վազգեն Մանուկյանը, որին 17 ընդդիմադիր կուսակցություններ առաջադրել են որպես անցումային կառավարության վարչապետի թեկնածու, շաբաթ օրը կայացած հանրահավաքում հայտարարել է, որ իր անցումային կառավարությունը կփորձի վերսկսել բանակցությունները նոյեմբերի 10-ի համաձայնագրի անորոշ կետերի շուրջ:

Աղբյուր` Փաստինֆո