Փաստ ինֆո

Շուրջ 250 զանգ է ստացվել Լեռնային Ղարաբաղի հակամարտության անհայտ կորած մասնակիցների մասին տեղեկությունների հավաքման թեժ գիծ՝ դրա աշխատանքի սկզբից ի վեր, տվյալներն ճշտելու համար ռուս խաղաղապահները անցկացրել են ավելի քան 1,9 հազար հանդիպում: ՏԱՍՍ-ի փոխանցմամբ՝ այս մասին ասված Է ՌԴ Պաշտպանության նախարարության տեղեկագրում:

«Թեժ գծի գործարկումից ի վեր 248 հեռախոսային դիմում է ստացվել։ Լեռնային Ղարաբաղի հակամարտության մասնակիցների, անհայտ կորածների մասին տեղեկությունների ճշտման համար ռուսական խաղաղապահ ուժերի սպաների կողմից անցկացվել է 1 936 հանդիպում քաղաքացիների հետ», - հայտնում է գերատեսչությունը:

Փաստաթղթում ընդգծվում է, որ հրադադարի ռեժիմը պահպանվում է շփման գծի ողջ երկայնքով: Զինվորականների տվյալներով՝ ռուս խաղաղապահների ուղեկցությամբ մեկ օրում նախկին բնակության վայրեր է վերադարձել ավելի քան 1,3 հազար մարդ: «Խաղաղապահ գործողության ընթացքում ապահովվել է արդեն 33 235 փախստականների անվտանգ վերադարձը", - նշվում է տեղեկագրում»:

Բացի այդ, մեկ օրվա ընթացքում իրականացվել է ինժեներական հետարխուզում եւ տեղանքի ականազերծում՝ Ստեփանակերտ - Շուշի ճանապարհահատվածի էլեկտրահաղորդման գծերի հենասյուների երկայնքով: «Մաքրվել է 3,4 հա տարածք և 2,2 կմ ճանապարհ, ոչնչացնելու համար հայտնաբերվել և դուրս է բերվել 96 պայթյունավտանգ առարկաներ։ Ընդհանուր առմամբ, ականազերծման ընթացքում Լեռնային Ղարաբաղում մաքրվել է 61,27 հա տարածք, 20,8 կմ ճանապարհ, 108 բնակարանաշինություն եւ չորս սոցիալ-նշանակալի օբյեկտ, հայտնաբերվել է 1 251 պայթյունավտանգ առարկա», - նշվում Է նյութում:

Աղբյուր` Փաստինֆո