Փաստ ինֆո

Ինչո՞ւ իր լիազորությունները որեւէ կերպ չի պատաստվում տալ կապիտուլացիայի խայտառակ համաձայնագիրն ստորագրած և պարտված Նիկոլ Փաշինյանը: «Փաստինֆո»-ի հետ զրույցում հոգեբան Միհրդատ Մադաթյանը նկատում է՝ աթոռն ինքնակամ թողնելն արդեն հոգեբանական լուրջ խնդիր է՝ էլ չենք խոսում այնպիաի անձնային հատկանիշներով օժտված մեկի մասին, ինչպիսին Նիկոլ Փաշինյանն է, որը, հատկապես վերջին 2.5 տարիների ընթացքում շարունակ անտրամաբանական անհավասարակշիռ վարք է դրսևորել, ինչը, տարբեր առիթներով, հասարակության լայն շերտերի զարմանքն ու զայրույթն է հարուցել.«Պատմությունը վառ վկան է այն իրողության, որ կապիտուլացիայի գնացած որևէ ղեկավար չի մնացել իր աթոռին: Նրանք բոլորն այս կամ այն կերպ հեռացել են իշխանությունից, որպես կանոն՝ սեփական նախաձեռնությամբ՝ Ադոլֆ Հիտլերն, օրինակ, ընտրեց ինքնասպանության ճանապարհը և այլն»:

Անդրադառնալով ստեղծված իրավիճակում ՀՀ-ում վարչապետի աթոռը զբաղեցնող անձի մոտիվացիաներին և դրանից բխող վարքին, որով նա ոչ մի կերպ չի կարողանում ընդունել մեղքի իր մեծ բաժինն ու արժանապատիվ կերպով հանձնել լիազորությունները` հոգեբան Միհրադատ Մադաթյանը նկատում է.«Այս մարդն այնքան է մոտիվացվել իր ասած լափամանով, նա այնքան է սիրել այդ լափամանը, որը նրան թույլ չի տալիս օբեկտիվ կերպով նայել իրականությանը, համապատասխան հետևություններ անել և ուղղակի հեռանալ:

Մասնագետի դիտարկմամբ` ակնհայտ է՝ Նիկոլ Փաշինյանն ունի անհագ փառքի ձգտում, ընդհանուր առմամբ, նա երբեք չի հագենում: Վերջին երկու տարիներին նա այնքան հեշտությամբ կարողացավ մանիպուլացնել հանրության լայն զանգվածներին, որ իրեն թվաց, թե, անգամ Արցախի խայտառակ պարտության համաձայնագիրը ստորագրելով, կկարողանա շարունակել իր այդ մանիպուլյացիաները և մնալ իշխանության ղեկին: «Չի բացառվում նաև այն տարբերակը, որ նա դեռևս որոշակի պարտավորություններ ունի կատարելու՝ իհարկե ոչ հայրենիքի առաջ, որոնք անավարտ թողնել չի կարող, կամ հրաժարական ներկայացնել նրան թույլ չեն տալիս այն ուժերը, որոնք օգնել են նր գալ իշխանության և որոնց այս ողջ ընթացքում ծառայել է ինքը: Այլ կրպ ասած, ես չեմ բացառում, որ արտաքին ճնշումների տակ, նա ոչ մի կերպ չի կարողանում հրաժարական տալ»:

Հոգեբանն ընդգծում է՝ նույնիսկ անզեն աչքով ակնհայտ է, որ Նիկոլ Փաշինյանի անձը որևէ կերպ հավասարակշիռ անվանել չի կարելի, դա ակնհայտ է. «Եթե փորձենք մասնագիտական հայացք նետելով մեկնաբանել Փաշինյանի, հատկապես, վերջին ամսվա վարքը` կապիտուլյացիայի ակտն ստորագրելուց հետո, ապա պետք է նկատենք՝ ամենասկզբում նրա մոտ ընդգծված վախ և որոշակի շփոթվածություն կար: Մենք ականատես եղանք նաև դրանից բխող վառ դրսևորված ագրեսիվ պահվածքի, երբ նա անհավասարակշիռ ելույթում կոչ արեց հայերին վրեժխնդրություն դրսևորել` մնացյալ հայերի նկատմամբ: Արդեն հիմա նրա մոտ նետրալ իրավիճակ է, սպասումի վիճակ, որովհետև, ինչպես տեսնում ենք, նրա կողմից ակտիվ գործունեություն՝ վերջին մեկ ամսվա ընթացքում, բացի կենդանի եթերներից, տեղի չի ունենում, այլ կերպ ասած, նա չի կարողանում իր ձեռքն առնել ռեալ իրականությունը և նրա միակ փրկօղակը մնում է վիրտուալ, անիրական կյանքը»:

Հարցին՝ ինչո՞ւ է Նիկոլ Փաշինյանն անընդհատ սուտ խոսում, հատկապես վերջին զարգացումների վերաբերյալ: Ի վերջո, բազմիցս հրապարակային կերպով հայտարարել է, որ չի պատրաստվում Արցախի հարցում ժողովրդից թաքուն որևէ քայլ կատարել, մինչդեռ ճիշտ հակառակ իրականության հետ բախվեց հայ ժողովուրդը` հոգեբանը պատասխանում է՝ հոգեբանության մեջ կա այդպիսի երևութ, որ կոչվում է՝ պաթոլոգիկ ստախոս.«Նիկոլ Փաշինյանին կարելի է համարել պաթոլոգիկ ստախոս, թեև պաթոլոգիկ ստախոսների մոտ այլ մոտիվացիաներ չեն լինում, ավելի շուտ՝ դրանք անձի կայացման հետ կապված հարցեր են:Սակայն այս պահին ես չէի ցանկանա այդ մարդուն հոգեբանական որևէ ախտորոշում տալ՝ մի պարզ պատճառով՝ հոգեբանական շեղումների իմիտացիան, որ ստեղծում է Նիկոլ Փաշինյանը, մանիպուլացնելով հասարակության ոչ հեռատես զանգվածին, նրան չեն ազատելու խիստ պատասխանատվությունից, որը նա պետք է տա արդարադտության առաջ՝ երկիրն այս վիճակին հասցնելու համար»:

Աղբյուր` Փաստինֆո