Փաստ ինֆո

Ուշադիր նայի Նիկոլ այս արյունոտ հայի նկարին, ում դաժանաբար ծեծում են ադրբեջանցիները։ Այս մասին ֆեյսբուքյան իր էջում գրել է ԱԺ «Բարգավաճ Հայաստան» խմբակցության պատգամավոր Արման Աբովյանը։

«Ուշադիր նայի Նիկոլ այս արյունոտ հայի նկարին, ում դաժանաբար ծեծում են ադրբեջանցիները։

Սա հասարակ հայ մարդ է ,ով իր նման հարյուրավոր հայերի պես, ամեն օր ենթարկվում է կտտանքների,ծեծի կամ նսեմացման՝ ադրբեջանցի օկուպանտների կողմից Արցախում կամ սահմանամերձ շրջաններում ...

Այս հայերը այն մարդիկ են ,ում հարազատ հողը,տունը,պապերի շիրիմները,Եկեղեցիները դու՝ Նիկո’լ հանձնեցիր թուրքին։

Դու’ և քեզ սատարող մարդիկ ուղղակի պատասխանատվություն են կրում այս անմարդկային խայտառակության համար, որը ամեն օր տանում են հայերը։

Ինձ շատ հետաքրքիր է դու և քո թիմակիցները գոնե հասկանում եք արհավիրքի հետեւանքները։

Չէ’...համոզված եմ չեք հասկանում և չեք հասկանա, որովհետև ձեզ համար այս ամենը,այս մարդկանց արյունը ,այս մարդկանց հանդեպ կտտանքները, զինվորների մահը, մեր հայրենիքի կեսի հանձնումը թուրքի լամուկների բերանը ընդհամենը դրվագներ են ձեր և թուրքերի միջև "տնտեսական համագործակցության և ռեգիոնալ հաշտեցման" դավաճանական և հակահայկական ծրագրի իրագործման համար։

Հիշում եմ, թե ինչպես քո թիմակից պատգամավորներից մեկը մի երկու օր առաջ լուրջ դեմքով հանրայինի եթերում պնդում էր թե "ուզում ես խաղաղություն պատրաստվիր պատերազմի" թեզը վնասակար է և պետք է գնալ դրական համագործակցության տարածաշրջանային հարևանների հետ...

Հետաքրքիր է,այդ քո պատգամավոր֊թիմակիցը պարզապես անմեղսունակ անգրագետ դեմագոգ է թե՞ գիտակից դավաճան...
Հասկացիր Նիկո’լ, ամեն օր ,ամեն ժամ,ամեն րոպե,ամեն վայրկյան քո անբարտավան և վտագավոր կառավարումը ավելացնում է Հայաստանի ,Արցախի և առհասարակ հայերի ֆիզիկական գոյության վտանգի մակարդակը։

Ախր հասկացիր մի բան, մեջտեղից կիսվես միեւնույն է դու արդեն ապացուցեցիր բոլորին որ դու և քո "խաղաղասեր" թիմը ուղղակի վտանգում եք բոլորի կյանքը և անվտանգությունը։

Ի սեր Աստծո հեռացիր, հեռացիր և դա կլինի այն միակ հայանպաստ քայլը, որը դու ունակ ես անել»,- գրել է Աբովյանը:

Աղբյուր` Փաստինֆո