Փաստ ինֆո

Փախչող զորքի հրամանատարին, Սիսիանի գնդի հրամանատարի մասին է խոսքը, հանում են իր աշխատանքից և նշանակում Սովետաշենի գնդի հրամանատար: Սա պայմանավորված պարտության տանելու ճանապարհ էր: Ասուլիսի ընթացքում այսպիսի հայտարարություն է արել «Սիսական» ջոկատի հրամանատար Աշոտ Մինասյանը:

Նրա խոսքով՝ պատերազմի ժամանակ խուճապ տարածողները հետագայում նշանակվել են տարբեր պաշտոնների.
«Սա պետության ներսում կոչվում է դավաճանություն: Այս դավաճանության հիմնական մեղավորը երկրի թիվ մեկ պատասխանատուն է՝ Նիկոլ Փաշինյանը»,-ասաց Աշոտ Մինասյանը:

Հրամանատարը ընգծում է, որ զինվորը չի պարտվել, մարտնչել է մինչև վերջ, պարտվել է երկրի ղեկավարը և նրա նշանակած հրամանատարները.

«Պարտվել ենք զորքին տիրություն չանելու համար, մեր կամավորներին և բանակ կանչվածներին մատնել ենք անտերություն, որովհետև չենք ունեցել բանակի ճիշտ ղեկավարում»:

Աշոտ Մինասյանն արձանագրում է, որ հաղթած գեներալներին պատերազմի օրերին թույլ չի տրվել խառնվել բանակի գործերին. «Նախկին գեներալները, որոնք տիրապետում են պատրերազմի և բանակի բոլոր օրենքների, պատերազմի ընթացքում մեկուսացված են եղել»:

Աշոտ Մինասյանը հիշեցնում է, որ այն ժամանակ երբ մարտերն ընթանում էին դեռևս Ջաբրայիլում, Նիկոլ Փաշինյանը խուճապ էր ստեղծում և կոչ անում պաշտպանել Սյունիքը.

«Նիկոլ Փաշինյանը նախապես գիտեր, որ Գորիս-Կապան ճանապարհը, որը սահմանամերձ է, ինքը հանձնելու է, դրա համար էլ այդ ճանապարհը սկսեց կառուցել»,-ասուլիսի ժամանակ հայտարարեց «Սիսական» ջոկատի հրամանատար:

Աղբյուր` Փաստինֆո