Փաստ ինֆո

Պատերազմից հայտնի դարձած լուսանկարի տղան՝ հրետանավոր Արման Եդիգարյանը տանն է։ Ամենաթեժ օրերին, ամենաթեժ մարտերին էր մասնակցում։ Ասում է՝ թեժ օրերին արված լուսանկարները ապացույցն են, որ հայկական բանակն ամենազորեղն է։ 

«Ողջ աշխարհը տեսել է մեր բանակի կռիվը։ Ոչ թե իմ համար եմ ուրախ, այլ որ տեսնեն ինչպիսի կերպար ունի հայ զնիվորը։ Տղերքը իրենց արյան գնով պահել են դիրքերը»։

Նրա մայրն էլ լուսանկարը տեսնելիս զավակին ձեռքերից է ճանաչել։

«Ամեն օր աղոթում էի, հստակ գիտեի, որ տղաս տուն է գալու»,- պատմում է Արմանի մայրը։

«Սկզբում մեզ վրա կամիկաձեներ էին գալիս, իրենց հրետանին աշխատում էր։ Մեր դիվիզիոնը լավ էր աշխատում։ Ադրբեջանում մի հայտարարույթյուն էր եղել, որ Ջաբրայիլի դիվիզոնը ոչնչացված է, բայց մինչև օրս այդ դիվիզիոնը կա»,- ասաց Արամը։

44 օր հրետանավորը 600-ից ավելի արկ է արձակել, իսկ իրենց դիվիզիոնը՝ 5000-ից ավելի։

«20 հատ արկ էինք արձակել, երբ մեր հրամանատարը եկավ վիրավորված, որ մեզ ռացիա տար։ Դժվար պահ էր, ոնց որ դուխից ընկնես, որ զամպալիտը վիրավորվի։ Բայց խրամատներում մեզ դուխ էր տալիս»։

Արմանի հայրը զինվորների համար ջուր, սնունդ ու տեխնիկա էր հասցնում, բայց մեքենան վնասվել է թշնամու կրակից, հետքերը մինչև հիմա կան։ Նա պատմում է, որ իր տեսած պատերազմից հետո տղաների մարտական ոգին իրեն ոգեշնչել է։

Արմանը բազմաթիվ անգամ մահվան աչքերին է նայել, բայց անկոտրում ոգին իրեն ուժ է տվել։ Մարտական ընկերների հետ պատմություններն էլ ոգևորող են, նրանցից մեկն էլ հրետանավոր Ալբերտն էր։

Մեկ շաբաթից Արման կվերադառնա ծառայության։

Աղբյուր` Փաստինֆո