Փաստ ինֆո

ԱԱԾ-ն զբաղված էր ամեն ինչով, բայց ոչ իր ուղիղ գործառույթներով՝ վարչապետի աթոռը զբաղեցնող անձի հանձնարարությամբ սատանա էր փնտրում, դիմակ կրելու պարտադիր պահանջն էր վերահսկում, ՀԴՄ տպելն էր վերահսկում, մինչդեռ երկիրը կանգնած էր լայնածավալ պատերազմի վտանգի առջև, ես կարծում եմ, որ պատերազմում այս պարտության պատճառներից մեկը ԱԱԾ-ի ոչ արհեստավարժ աշխատանքն էր, որը հանգեցրեց նրան, որ շատ բաներ մեզ համար անպասելի էին, սակայն՝ ոչ իշխանության: Այս մասին ԱԱԾ-ից դուրս գալիս ասաց ՀՅԴ անդամ Բագրատ Եսայանը:

«ԱԱԾ հաղորդագրությունը պարունակում է քրեական որոշակի հանցագործություն, պաշտոնական դիրքի չարաշահում, ես պատրաստվում եմ այս հոդվածներով դիմում ներկայացնել գլխավոր դատախազություն՝ քրեական գործ հարուցելու պահանջով»,-ասաց Եսայանը:

Նա հայտնեց նաև որ եթե իրեն մեղադրանք չառաջադրվի, ապա ԱԱԾ պետից պահանջելու է սկսել ծառայողական քննություն՝ պարզելու՝ ով է պատրաստել և տարածել հաղորդագրությունը ԱԱԾ-ի անունից.

«Դիմելու եմ ՄԻՊ-ին, քանի որ ակնհայտորեն խախտվել է մարդու իրավունքները և անմեղության կանխավարկածը: Դիմելու եմ նաև դատարան՝ պատվի արժանապատվության վիրավորումը հիմք ընդունելով»,-լրագրողների հետ զրույցում ասաց Բագրատ Եսայանը:

Աղբյուր` Փաստինֆո