Փաստ ինֆո

Նիկոլ Փաշինյանն ու իր թիմը 2,5 տարի մեթոդաբար ավերել են հայ-ռուսական հարաբերությունները։ Այս մասին «նորությունների Դաշնային գործակալությանը» տված հարցազրույցում ասել է Հայաստանի ազգային անվտանգության ծառայության նախկին տնօրեն, «Հայրենիք» կուսակցության առաջնորդ Արթուր Վանեցյանը։

«Ոչ մեկի համար գաղտնիք չէ, որ Ռուսաստանն ու Հայաստանը պատմականորեն ռազմավարական գործընկերներ են եղել։ Փաշինյանի թիմի իշխանության գալուց հետո այդ հարաբերությունները օրեցօր վատացել են։ Կառավարությունում հակառուսական հայացքներ ունեցող մարդիկ են հայտնվել։ Նիկոլ Փաշինյանը մշտապես ասել է, որ նա կառուցել ժողովրդավարություն, իրականացրել է հեղափոխություն, ոչ ոք չի կարող իրեն կարգադրել, քանի որ նա այն մեկն է, ով հանդիսանում է առաջատարը ողջ աշխարհում: Բայց իրականում պարզվեց, որ մենք եկանք այս պատերազմին։ Ես ուզում եմ նշել, որ մենք եկել ենք դրան պատճառով, որ Նիկոլ Փաշինյանը իրական աշխատանքի փոխարեն ինչ-որ պոպուլիստական արտահայտություններ էր անում՝ դուրս գալով ԵԱՀԿ Մինսկի խմբի շրջանակներում ընթացող բանակցային գործընթացից», - ասաց Արթուր Վանեցյանը։

Վանեցյանը պատմել է, որ անձամբ նրան հարցրել է հրապարակայնորեն, հարց տվել. «Բացահայտեք գաղտնիքը, թե ի՞նչ փաստաթղթի շուրջ եք բանակցում կամ ինչի՞ մասին եք տանում բանակցություներ ղարաբաղյան հակամարտության կարգավորման շուրջ»։ նա ցինիկաբար խորհրդարանում պատասխանել է. «Ոմն մեկն ինձ հարցնում է, թե ինչ փաստաթղթի շուրջ եմ բանակցում և ինչի մասին եմ պայմանավորվում ադրբեջանական կողմի հետ։ Ինչի մասին ուզում եմ, դրա մասին էլ պայմանավորվում եմ»։

«Դա Նիկոլ Փաշինյանի բառացի պատասխանն էր։ Եվ ահա մենք տեսանք, թե ինչի մասին էր նա պայմանավորվում, նա պայմանավորվում էր հանձնել մեր պատմական հողերը։ Ամենավատ երազում մենք չէինք կարող պատկերացնել, որ Լեռնային Ղարաբաղի հակամարտությունը կլուծվի այնպես, ինչպես այն լուծվեց», - ասել է ՀՀ ԱԱԾ նախկին ղեկավարը։

Եվ, շարունակեց Վանեցյանը, այսքանից հետո այն չլուծվեց։

«Արդյունքում մենք չունենք Լեռնային Ղարաբաղի կարգավիճակ, արդյունքում մենք կորցրեցինք բացի այն յոթ շրջաններից, որոնք Լեռնային Ղարաբաղի մոտ են, նաեւ բուն Լեռնային Ղարաբաղի տարածքներից։ Այսինքն՝ մենք կորցրեցինք մեր պատմական քաղաքը՝ Շուշին, կորցրեցինք Հադրութի շրջանը, Հադրութ քաղաքը։ Այս պահին ադրբեջանական զինված ուժերն անարգել մտնում են Ղարաբաղի ցանկացած տարածք, վախեցնում են մարդկանց, բնակիչներին, հայերին, որոնք ապրում են գյուղերում», - ասել է Վանեցյանը:

Նրա խոսքով, այս անիշխանությունը եւ հայ բնակչությանը պաշտպանելու անկարողությունը հանգեցրել է նրան, որ մեր խաղաղ բնակիչները մենակ են մնացել ադրբեջանական զինված ուժերի հետ:

«Ցավոք, դուք ճիշտ ասացիք, որ Հայաստանը բոլորովին այլ է և չկա այն հպարտ երկիրը, որը եղել է մինչև վերջերս։ Բայց մենք՝ հայերս, հարուստ պատմություն ունեցող ժողովուրդ ենք, մեր ողջ պատմության ընթացքում մենք շատ պատերազմներ ենք ունեցել, մենք ցեղասպանություն ենք ունեցել 20-րդ դարի սկզբին։ Մենք այդ ամենը վերապրել ենք, և կապրենք այս ժամանակաշրջանը ևս։ Եվ մենք կվերածնվենք ու կդառնանք այն հպարտ ժողովուրդը, որին մենք եղել ենք», - նշել է Վանեցյանը։

Աղբյուր` Փաստինֆո