Փաստ ինֆո

«Այսօր ցանկացած քայլ, որը հիշեցնում է Նիկոլ Փաշինյանին, որ ինքը վարչապետի աթոռի վրա բարոյական, քաղաքական, ազգային իրավունք չունի նստելու՝ անհրաժեշտություն է»,- այս մասին Կառավարության շենքի մոտ երիտասարդների բողոքի ակցիայի ժամանակ ասաց ՀՅԴ անդամ Գեղամ Մանուկյանը՝ անդրադառնալով հարցին, թե որքանո՞վ էր արդյունավետ հայտարարված հացադուլը։

Ըստ Մանուկյանի՝ վարչապետը ականջին պետք է օղ անի՝ ինքը ավելորդ է պետական կառավարման համակարգի բարձրագույն ատյանում, նա գողացել է հայ ժողովրդի պատիվը, արժանապատվությունը և հայրենիքը։

«Ինքը ամեն վայրկյան հայրենիքից մի պտղունց նվիրում է թշնամուն և օր առաջ պետք է հեռանա»։

Գեղամ Մանուկյանը տեղեկացրեց, որ պայքարը շարունակական է, իսկ Նիկոլ Փաշինյանը ստախոս է բոլոր առումներով։

«Առաջին օրվանից, ինչ եկել է իշխանության՝ սուտ է խոսել։ Նիկոլ դու սուտ խոսեցիր անգամ խոսքի ազատության առումով։ Տեսնեիր քո ոստիկանները հեռուստաընկերության օպերատորներին ինչպես էին քաշ տալիս ոստիկանական մեքենա։ Դո՞ւ ես պատասխան տալու այն տեխնիկայի համար, որն այսօր կորել է, դո՞ւ ես պատասսխան տալու այդ տեսախցիկների առաջ, որ կոտրվել են»։

ՀՅԴ անդամը հավելեց՝ Նիկոլ Փաշինյանի թավշյա բռնատիրությունը ի տարբերություն մյուսների, ունի մի տարր՝ դավաճանի թավշյա բռնատիրությունն է։ Անդրադառնալով ակցիայի ժամանակ տեղի ունեցած միջադեպին, երբ քաղաքացիները՝ ի նշան բողոքի, բարձրացել էին տրոլեյբուսի վրա, Մանուկյանն ասաց, որ լավ են արել, նրանցից մեկն էլ իր որդին է եղել։

«Վերցրեք կշեռքի երկու նժար՝ մեկը, որ բարձրացել է տրանսպորտի վրա, մյուսը՝ քոչվոր Բերձորի բնակիչները, որոնք այսօր անտեր են, չգիտեն՝ Նիկոլ Փաշինյանը նրանց, նաև ռազմագերիներին, անհետ կորածներին տեր չի դառնում։ Նիկոլ Փաշինյանը թույն է ներարկում ամեն օր։ Հիմա էլ թույն է ներարկում բանակի դեմ, միայն ինքը չոր դուրս գա»,- ասաց Գեղամ Մանուկյանը։

Աղբյուր` Փաստինֆո