Փաստ ինֆո

Ո՞վ պետք է մտածի, թեկուզ այդ դիակներն ո՞վ պետք է հանի այդ տարածքից։ Արդեն 44 օր է անցել, մատները մատներին չեն տալիս։ Այս մասին Էջմիածնի զորամասի դիմաց ասաց ակցիա իրականացնող անհետ կորած զինծառայողների ծնողները։

Ծնողները հայտնում են, որ ակցիա են իրականացնում Էջմիածնի զորամասի դիմաց, քանի որ իրենց երեխեքը եղել են այդ զորամասի պայմանագրային զինծառայողները, որոնց զորահավաքով տարել են։

Ծնողներից մեկը հայտնեց, որ իրենց տարել են որպես հատուկջոկատայիններ, բայց վերջիններս եղել են քիմիկներ։

«Իրենք հատուկ ջոկատային չեն։ Իրենք նույնիսկ չեն ունեցել զրահաբաճկոն կամ կասկա, որովհետև իրենց հաստիքով չի տրամադրվում զրահաբաճկոն։ Երեխեքին տարել են առանց զրահաբաճկոն՝ հատուկ գործողություն կատարելու։ Այդ երեխեքը զոմբի են, ինչ են, որ գնդակը նրանց միջով անցնի, երեխեքին ոչինչ չլինի»,- նշեց նա։

Ծնողները հայտնում են, որ 50 հոգուց չկան 34-ը։ Ծնողներից մեկը, շարունակելով միտքը, հայտնեց. «Քանի որ այդ 34-ը չեն եղել, 60-ն են եղել, դուրս է եկել որոշ մասը, առաջին օրն իրենք գալուց արդեն ճանապարհին որոշել են, որ միայն իրենց փրկել է Արսեն Աբգարյանը, որ չգիտես ինչու հենց առաջինն ինքն է դուրս եկել մարտի դաշտից։ Երեխեքն առաջին օրը ոչ ադեկվատ վիճակում փորձել են զանգել ու տեղեկացնել՝ այս ինչ վիճակ է, չգիտենք ուր ենք ընկել, ինչ ենք անում, արդյունքում, եկել հասել է քանի օր ու իրենք արդեն ոչինչ չեն հիշում և այդ ոչինչ չասելը մարտավարություն չէ։ Ավելի լավ է իրենք պատմեին ասեին և մենք սկսեին մեր գործողությունները։ Հիմա անցել է 42 օր, հերթով զանգում եմ բոլոր տղաներին, որոնք դուրս են եկել, իրենք ոչինչ չեն հիշում և չեն էլ հաստատում, որ իրենց փրկել է Արսեն Աբգարյանը»։

Նա հայտնեց, որ գնացել են և ՊՆ, և ԿՄԽԿ, հանդիպել են վարչապետի հետ, բայց ապարդյուն։ Նրա խոսքով՝ Փաշինյանը տեղեկացրել է, որ այդ հինգ շրջաններն անհասանելի են մեզ, քանի որ Ադրբեջանի տարածքում է և ոչ մի ձևով չի կարողաում Կարմիր խաչը համագործակցել նրանց հետ։ Նա տեղեկացրեց, որ իրենց երեխեքը եղել են կապանում, հետո՝ չգիտես ինչպես հայտնվել են Զանգիլանում, որն ամենավերջին մաքրման, տարհանման տեղը պետք է լինի և հայտնի չէ՝ կմտնեն, թե ոչ։

Աղբյուր` Փաստինֆո