Փաստ ինֆո

«64 օր է արդեն՝ իմ տղան չկա, գնում ենք Կարմիր խաչ, ասում են՝ գնացեք Պաշտպանության նախարարություն, այնտեղից ասում են գնացեք Ուլնեցի, այնտեղից ուղարկում են մյուս տեղը, իմ հարցը ո՞նց է լինելու»,- Ֆրանսիայի դեսպանատան մոտ մտավորականների նամակը ներկայացուցչին հանձնելուց հետո հարցրեց անհետ կորած զինծառայողի ծնողը:

Քաշաթաղից ժամանած քաղաքացուն պատասխանեց ակցիայի հեղինակներից Հրանտ Թոխատյանը, նշեց, որ դրա համար իրենք փորձում մի բան անել:

«Կառավարությունը ոչ մի բան չի անում: Ինքը Ջաբրայիլում էր, Աստված գիտի՝ հիմա կա, չկա, տեղեկություն չեն տալիս նույնիսկ։ Եթե Կարմիր խաչը չի կարողանում մի բան անել, թող ինձ տանեն, գնամ գտնեմ երեխայիս»,-

Թոխատյանը բացատրեց, որ Կարմիրը խաչն ընդամենը միջնորդ կազմակերպություն է և չի կարող գերիների վերադարձով զբաղվել, փոխարենը կարող է տեղեկություններ ճշտել և փոխանցել ծնողներին:

«Քաշաթաղից ես էսպես եմ եկել, դատարկ, մի օր ժամանակ չտվեցին, որ ես ինչ-որ բան վերցնեմ, դրա համար կետեր կան, ժամանակ կար, էդ սվոլիչը, որ ստորագրել է, կետ դներ, նախքան հանձնելը թող գերիներին, զոհվածներին հանեին, մնացածը ջանդամին, թող իրենց գյոռը տանեին»,- վրդովված ասաց անհետ կորածի ծնողը:

Աղբյուր` Փաստինֆո