Փաստ ինֆո

«Ի՞նչ արդյունք եք ուզում՝ երկու կիլո պեչենի, որ հանեն մեզ տան։ Այն, ինչ որ պետք է արդյունք տա, կատարվում է՝ ոչ իշխանության կողմից»,- մտավորականների քայլերթից առաջ ասաց հավաքի կազմակերպիչ, պրոդյուսեր Արմեն Գրիգորյանը՝ անդրադառնալով այն դիտարկումներին, որ ապաքաղաքական հայտարարված ակցիան արդյունք չի ստանա։

Պրոդյուսերը նշեց, որ իրենց ձայնը բարձրացնելու միջոց է, որով միանում են այն ծնողների ձայնին, որոնք չեն կարողնանում գերևարված զավակներին հետ բերել։

«Սա քաղաքացիական ակցիա է, ոչ թե քաղաքական։ Դա է կարևոր, որ ցույց տանք՝ մենք տներում նստած չենք, կաֆեներում կապուչինո չենք խմում։ Մենք էլ ենք բարձրացնում մեր ձայնը»,- ասաց Արմեն Գրիգորյանը՝ հավելելով, ոև այսքանով չեն բավարարվում, այլ աշխատանքներ ևս տարվում են։

Հիշեցնենք, որ արվեստագետները Երևանի Շառլ Ազնավուրի անվան հրապարակից քայլերթով գնում են Ֆրանսիայի դեսպանատան մոտ։ Երթի նպատակն է աջակցել զինվորների և զինծառայողների հարազատներին և իրենց ձայնը հասցնել միջազգային բոլոր հեղինակավոր կառույցներին։ Մտավորականները նշում են, որ իրենք քաղաքական պահանջներ չեն ներկայացնում պարզապես, քանի որ ՀՀ-ում իշխանություն չկա, որը կզբաղվի գերիների ու անհետ կորածների հարցերով, իրենք ստիպված դիմում են միջազգային կառույցների, այդ թվում դեսպանատների օգնությանը։ Վաղը կայցելեն նաև ԱՄՆ դեսպանատուն։

Աղբյուր` Փաստինֆո