Փաստ ինֆո

«Նիկոլ Փաշինյանն այսօր սպասելի շարունակում է ինքնարդարացման "ֆեյսբուքյան" փառատոնի շրջանակներում իր գրառումներով ռմբակոծել համացանցը»,-ֆեյսբուքում գրել է ԲՀԿ պատգամավոր Արման Աբովյանը:

«Ես բնավ զարմացած չեմ,որ կրկին հիմնական ենթատեքստն այն է ,որ Փաշինյանը փորձում էր կանգնեցնել պատերազմը,բայց արի ու տես ինչ-ինչ պատճառներով իր մոտ դա չստացվեց։

Իրականում արդեն չգիտեմ ինչ մտածել,երբ կարդում եմ վարչապետի պաշտոնը զբաղեցրած մարդու գրառումները։Հա ի դեպ` հիշատակելով ԱԽ նիստը,որտեղ ներկա էի նաև ես և ԼՀԿ ղեկավար Էդմոն Մարուքյանը կրկին ստիպված եմ վերահաստատել,որ այո՛, երբ տեղեկացանք ԱԽ նիստի ընթացքում օպերատիվ իրավիճակին ռազմաճակատում, ապա շատ,շատ,շատ դժգոհությամբ (մեղմ ասած) ընդունեցինք այդ տեղեկությունը (իմիջիայլոց հենց Փաշինյանը դա հաստատեց իր գրառման մեջ),այո՛,ընդդիմությունը կտրուկ դժգոհ էր ռազմաճակատում ստեղծված իրավիճակից։

Ինչևէ...

Գիտեք` հետաքրքիր է հետևել, թե ինչպես Փաշինյանի մոտ բոլորը մեղավոր են այս խայտառակության մեջ բացի իրենից ,մարդիկ,կամավորները,բանակը,միջազգային հանրությունը ,ընդդիմությունը, սփյուռքը, մի խոսքով բոլորը ...դե բնականաբար բացի իրենից։

Ակնհայտ է ,որ Փաշինյանի ինքնարդարացմանը միտված ամեն գրառումն ավելի և ավելի զայրացնում է մարդկանց,քանզի մարդիկ իրականում շատ լավ հասկանում են, որ փաշինյանական (կներեք) "կռուտիտները" պարզապես ապացուցում են իր կառավարման անմեղսունակությունը,որը բերեց մեզ ազգային աղետի "դուռը"։

Կարճ կասեմ,հաշվի առնելով բոլոր հանգամանքները` կարելի է միանշանակ փաստել ,որ երկրի մի կերպ փրկությունը կախված է ընդամենը մի մարդու շուտափույթ և անհապաղ հեռանալուց և այդ մարդը Նիկոլ Փաշինյանն է»,-գրել է պատգամավորը:

Աղբյուր` Փաստինֆո