Փաստ ինֆո

Ոստիկանական համակարգը՝ բացառությամբ մի քանիսի, որոնք կորցնելու բան ունեն, դուրս է դավաճան իշխանության վերահսկողությունից։ Այս մասին ֆեյսբուքյան ուղիղ եթերում ասել է «ՎԵՏՕ» հասարակական-քաղաքական շարժման ղեկավար Նարեկ Մալյանը՝ ներկայացնելով ՀՀ-ում իրավապահ համակարգին ուղղվող հատուկ հրահանգների մասին։

Ինչ վերաբերում է ԱԱԾ-ին, Մալյանը նշեց, որ ի պատիվ ԱԱԾ սպաների՝ այնտեղ քաջ գիտակցում են, որ Հայաստանում իշխանական լծակներ է վերցրել արտասահմանյան գործակալական ցանցը՝ հանձինս Սորոսի և մնացած մոլախոտերի և, եթե նախկինում ԱԱԾ-ն խուլ դիմադրություն էր ցուցաբերում, այժմ այդ դիմադրության օջախները բավական բացահայտ են։ Նրա խոսքով՝ նույնը վերաբերում է նաև քննչական մարմիններին՝ ՔԿ-ին և ՀՔԾ-ին։ Նա նշեց, որ այս օրերին իր շփումը բավականին լայն էր ՔԿ աշխատակիցների հետ, նրանք էլ մեզ պես մարդիկ են, ամեն ինչ հասկանում են, պետք է այդ մարդկանց ոչ միայն ասել, թե ինչ պետք է չանել, այլ՝ ինչ պետք է ասել, որ այն պետությունը, որին ծառայելու համար երդվել են իրենք, չվնասվի, գոնե պետականության փշրանքները կարողանանք պահպանել համատեղ ուժերով։ Ըստ նրա՝ նույնը վերաբերում է նաև դատախազության աշխատակիցներին, որտեղ գերակշռող թիվ են կազմում հայրենասեր մարդիկ, այլ ոչ՝ դավաճանի հետ դավաճանությամբ զբաղվող կարիերա անողները։

Նա արձանագրեց, որ նույնը վերաբերում է նաև դատական համակարգին, սակայն արձանագրեց, որ ամբողջ իրավապահ համակարգում կան մարդիկ, որոնք հանուն իրեն այս րոպեի, այս պահի կարիերայի, պատրաստ են դաշինք կազմել դավաճանների հետ՝ հանուն մեկ աստղ ավել ունենալու, մինչդեռ, դա ժամանակավոր երևույթ է։

«Օրինակ՝ ոստիկանությունում կա մեկը, որն ընդամենը մեկ տարվա ընթացքում մեկ զենք ստացավ Վալերի Օսիպյանից, արագ մեկ զենք լամպոչկայից ստացավ, գնդապետի կոչում ստացավ, ծառայողական մեքենան թարմացվեց, ինքը, բնականաբար շատ արագ զրկվելու է այդ ամենից և պատասխանատվության ենթարկվելու»,- նշեց Մալյանը։

Անդրադառնալով «Ֆարխոյանի ցուցակ»-ին՝ վերջինս նշեց, որ կան իրավապահներ, որոնք շինծու գործերով ձերբակալում են այն մարդկանց, որոնք խոսում են պետական դավաճանության դեմ։

Նա մատնանշեց հենց իր օրինակը՝ նշելով, որ իրեն ձերբակալել են մի հոդվածով, որով ձերբակալություն չէր հասնում և հիմա այդ շղթայի օղակները հայտնվելու են «Ֆարխոյանի ցուցակ»-ում։ Նրա խոսքով՝ այդ ցուցակում դատաիրավական այն աշխատակիցներն են, որոնք նոյեմբերի 10-ից զբաղվել են պետական դավաճանության դեմ խոսող անձանց նկատմամբ շինծու հալածանքներով։

Նա տեղեկացրեց, որ ցուցակն այդպես է անվանվում, քանի որ ձերբակալությունների, խուզարկությունների հիմնական թույլ տվողը եղել է դատավոր Կարեն Ֆարխոյանը, դրանց տակ նրա ստորագրությունն է։

«Այդ ցուցակում հայտնվողները պարտադիր ենթարկվելու են իրավական պատասխանատվության՝ պետական դավաճանությանն օժանդակելու, մասնակցելու համար նախատեսված տարբեր քրեական հոդվածներով»,- նշեց Մալյանը։

Աղբյուր` Փաստինֆո