Փաստ ինֆո

Ինքանախաբեություն է, թե հանրային աջակցություն կա իշխանության հանդեպ. վստահ եմ առաջիկայում մարդիկ ցույց կտան՝ որն է հանրային աջակցությունը, այս մասին «Փաստինֆո»-ի հետ զրույցում ասաց հրապարակում վարչապետի հրաժարականի պահանջով հացադուլ հայտարարած ՀՅԴ անդամ Գեղամ Մանուկյանը։

Վերջինս հիշեցրեց, որ Նիկոլ Փաշինյանի՝ օր առաջ հեռացման անհրաժեշտությունը պայմանավորված է Հայաստանի և Արցախի անվտանգության խարխլումը հետ կանգնեցնելու հետ։ Ամեն րոպե, որ Նիկոլ Փաշինյանը մնում է վարչապետի աթոռին, ավելի է անպաշտպան դառնում հայրենիքը։

«Անցնող երեք, չորս օրերի ընթացքում այստեղ են հավաքվում հարյուրավոր մարդիկ իրենց ցավով ու կսկիծով, ողբերգությամբ։ Երբ հասկանում ես, որ պետական համակարգ չկա, փլուզվել է 2,5 տարվա ընթացքում, այս օրերին՝ հատկապես։ Պետությունը չի կարողանում օգնել քաղաքացուն, որի որդուն զորակոչել է զինված ուժեր, եղել է պատերզմական գործողություններ, ցավոք՝ նահատակվել է ու զինվորի աճյունը չի կարողանում ծնողին փոխանցի»։

Մանուկյանի համոզմամբ՝ ղեկավարությունն այնքան անմիտ է, որ նույնիսկ նոյեմբերի 9-ի ստորագրված փաստաթղթում մի վայրկյան չի մտածել զինվորների մասին, չի մտածել որ ռազմագերիներ կան, նահատակների դիեր կան, որոնք պետք է վերադարձվեն։

«Չի մտածել՝ լավ մի կետ պարտադրեմ, աչքերը փակ հանձնել է ամեն ինչ, չի մտածել մի կետ ավելացնի ու այսօր կանգնած է փակուղու առաջ։ Սոթքը դրա վկայությունն է՝ խաբելով, սուտ ասելով, հաղթելու ենք կեղծ կարգախոսով։ ՀՀ քաղաքացին չգիտի վարչապետը այդ թղթի տակ ստորագրելով վաղը ինչ խութեր է ստեղծելու»։

Գեղամ Մանուկյանը հիշեցրեց, որ հացադուլի առաջին օրը պնդում էին, որ Փաշինյանը կհեռանա վայրկյան առաջ՝ հույս ունենալով, որ այսօր Սոթքի մասին չեն լսելու։

«Ամեն վայրկյան նոր վտանգավոր խութեր են ի հայտ գալիս, չգիտենք ի՞նչ է պայմանավորվել, ինչե՞ր է խոստացել, ինչե՞ր է խոստանալու»։

Աղբյուր` Փաստինֆո