Փաստ ինֆո

Ժամկետային զինծառայողների ծնողները Կառավարության առջև դիմեցին նրանց, որոնք պատերազմի օրերին շնորհակալություն էին հայտնում 18-19 տարեկաններին զինծառայողներին, նրանցով հպարտանում ու անհամբեր սպասում վերադարձին։ Հիմա խնդրում են իրենց միանալ, որպեսզի տղաներն Արցախից շուտ վերադառնան։ 

«Հիշո՞ւմ եք սնիկերսների վրա գրում էիք «Զինվոր ջան եկեք», «Ես քեզ կսպասեմ», խնդրում եմ եկեք միացեք մեզ, եկեք պահանջեք, որ զինվորները հետ գան։ Դա մեր ապրելու հույսն է, մեր ապագան է, խնդրում եմ միացեք»,- ասաց ժամկետային զինծառայողի մայրը։
Կանանցից մեկն էլ բղավում էր ու դիմում վարչապետին, նշում, որ իրենք կարող են Պաշտպանության նախարարության դռները կոտրել, ներս մտնել ու բռնություն կիրառելով հասնել իրենց նպատակին, բայց այդ քայլին չեն դիմում։

«Վկաներ կան, 5 հոգի մտել են ձեր նախարարություն, փոխգնդապետ Մելիքյանն ասել է, որ եթե այս օրերի ընթացքում ոչ մի լուր չուենանք, գնացեք խբեք ջարդեք, ձեր երեխեքին բերեք։ Մենք չենք ջարդում ենք, մենք խուլիգան չենք։ Արձակման հրամանները կտաք, վայն եկելա ձեզ տարել՝ մեկդ մեր դուռը ծեծել երեխայա ուզել։ Երբ որ պատշաճ պայմանները կստեղծես, երեխեքին կտանք ձեզ»,- ասաց ծնողներից մեկը։

Ծնոնղները կարծում են, որ եթե վարչապետը գտնում է, որ այս պահին ճիշտ է անում, թող իջնի և ծնողներին այդ մասին ասի։

«Արցախի սպաներ և հրամանատարներ՝ հորդորում եմ ձեզ պատշաճ վերաբերմունք ցուցաբերել ձեր զինվորներին։ Հասկանում եմ, որ բոլորի նյարդերը լարված են, բայց ամեն ինչ իմանում ենք, նաև այն, որ ոչ հարգալից եք վերաբերվում զինվորի հանդեպ։ Մեզ մոտ ամեն ինչ գրանցվում է, մարդ եղեք, 18-19 տարեկան զինվորների վրա մի ինքնահաստատվեք։ Խնդրում և հորդորում եմ՝ մարդ եղեք»,- ասաց զինվորի մայրը։

Աղբյուր` Փաստինֆո