Փաստ ինֆո

Այսօր Իրանում ահաբեկչության հետևանքով սպանվել է գիտնական միջուկագետ և հրթիռաբան Մոհսեն Ֆահրիզադեն։

Թեեւ պաշտոնական իշխանությունները հերքում են գիտնականի մահը, Իսլամական հեղափոխության պահապանների կորպուսի Տելեգրամ-ալիքները կադրեր են հրապարակում սպանության վայրից՝ հաստատելով նրա սպանությունը:

Հատկանշական է, որ երկու տարի առաջ Իսրայելի վարչապետ Բենիամին Նեթանյահուն խոսել էր Ֆախրիզադի մասին՝ որպես միջուկային տեխնոլոգիաների ոլորտում գլխավոր մասնագետներից մեկի։ Մեկ այլ նախկին իսրայելցի պաշտոնյա Ֆահրիզադեին անվանել է «միջուկային Սուլեյմանին»։

Инфотека24-ի փոխանցմամբ՝ «Սիրիայի Նորություններ» (Ekhnar-e Suriye) ալիքն իր հերթին պնդում է, որ «սիոնիստական ռեժիմի» ահաբեկիչները, որոնք սպանել են գիտնականին, Իրան են ներթափանցել Ադրբեջանի տարածքից:

Հիշեցնենք, որ Բաքուն և Անկարան շուրջ 4000 ահաբեկիչ են տեղափոխել Սիրիայից՝ մասնակցելու Արցախի դեմ պատերազմում։ Մարտական գործողությունների ավարտից հետո վարձու ահաբեկիչները մնացել են Ադրբեջանում և Արցախի օկուպացված տարածքներում՝ Իրանի հետ սահմանին։

Որոշ փորձագետների կարծիքով՝ հենց Իրանն էր Ադրբեջանի դաշնակիցների՝ Թուրքիայի և Իսրայելի, գլխավոր նպատակը Արցախյան պատերազմում։

Աղբյուր` Փաստինֆո