Փաստ ինֆո

Ժամկետային զինծառայողների ծնողները Կառավարության առջև էին։ Նրանցից հինգին հանդիպել է վարչապետ Նիկոլ Փաշինյանը։ Վարչապետը՝ երկու օր ժամանակ է խնդրել՝ վարջնական պատասխան տալու ծնողներին։

Ավետիսյան Վաչագանը տեղեկացրեց, որ բոլորի անունից են խոսել՝ պատմեց, որ օր առաջ սպասում են պատասխանին։ Վարչապետն ասել է, որ անձամբ երաշխավորում է, բայց ծնողները պնդել են, թե չեն հավատում նրան և ավելի հստակ պատասխան են ակնկալում։ Ժամկետային զինծառայողների ծնողները պատրաստ չեն սպասել մինչև նոյեմբերի 30-ը, պատասխան չլինելու դեպքում իրենք կմեկնեն Արցախ։

«Պատասխանը բացասական է լինելու, որովհետև ամեն ինչ գնում էր նրան, թե շնորհակալ եղեք, որ ձեր երեխաները ողջ են։ Ամեն ինչ դրան է գնում։ Նույնիսկ ասացին, որ մեր ձայնն ավելի բարձր է, քան ծնողներինը, ում երեխաները մահացել են։ Փրձում էին մանիպուլյացիայի ձևով մեզ խեղճացնել։ Բայց սա այլ հարց է։ Ամենայն հավանականությամբ հարցը 100 տոկոսով կլուծվի բացասական, թեպետ վարչապետն ասաց, որ երկու օրից պատասխանը կտա»,- ասաց ժամկետային զինծառայողի մայրը։

Ծնողները լավագույն դեպքում ակնկալում են հետպատերազմյան արձակուրդ։

«Եթե թողի գոնե էդ երեխեքը արձակուրդ գան, այդ ընթացքը անցնի, տեսնենք ինչ իրավիճակ է տիրում, երեխեքին բերեն էստեղ, մի հատ սթրեսից դուրս գան, նոր կտեսնենք ինչա։ Գոնե երեխաներին բերեն»,- ակնկալում է զինծառայողներից մեկի հայրը։

Ծնոնղերը նաև առաջարկել են վարչապետին՝ Համահայկական հինադրամից գումար հատկացնեն այն զինծառայողներին, ովքեր ցանկություն ունեն վճարովի հիմքունքներով ծառայել Արցախում։ Վարչապետը պատասխանել է, որ այդ գումարը այլ նպատակի համար է ծառայելու։

«Առաջարկել ենք, որ 18-20 տարեկան ժամկետային զինծառայողները ծառայությունը շարունակեն Հայաստանում տեղակայված զորամասերում։

Առաջարկել ենք, որ պայմանագրային զինծառայողներին ուղարկեն Արցախ, ժամկետայիններին վերադարձնել Հայաստան։ Վարչապետը գերագույն գլխավոր հրամանատարն է, պարտավոր է մեզ լսել, բայց լղոզված պատասխաններից հասկացանք, որ երկու օր սպասելն անիմաստ է»,- ասաց ծնոնղերից մեկը։

Ծնողները վարչապետին բաց տեքստով ասել են, որ հանցագործության են պատրաստ, եթե ելք չլինի, իրենք կգնան երեխաների հետևից։ Նշել են նաև, որ կառավարությունն ու պաշտպանության նախարարությունը մոռացել են զինվորների մասին։ Վարչապետը վստահեցրել է, որ այդպես չէ։

Ծնոնղերը պայմանավորվեցին նոյեմբերի 28-ին ժամը 12-ին հանդիպել Կառավարության մոտ, որոշելու՝ ինչ են անելու բացասական պատասխանի դեպքում։

Աղբյուր` Փաստինֆո