Փաստ ինֆո

«Մենք հասել ենք նրան, որ Մեծ Բրիտանիայից Հայաստան են ժամանում մասնագետներ, ովքեր կառավարելու են մեր հիվանդանոցները: Մենք ունենք նման օրենք, որ պատերազմական իրավիճակում հիվանդանոցների վերահսկողությունն անցնում է Առողջաապահության նախարարի վերահսկողության տակ: Փաստորեն, այդ վերահսկողությունն էլ այս նախարարը պատրաստվում է հանձնել Բրիտանիայից ժամանած ինչ-որ մասնագետների, - ասում է բժիշկ Գևորգ Գրիգորյանը, «Փաստինֆո»-ի հետ զրույցում վերլուծելով շրջանառության մեջ մտած այն լուրերը, թե երեկ Միացյալ Թագավորությունից Հայաստան են ժամանել հինգը բուժաշխատողներ, որոնք աջակցելու են հայ բժիշկներին՝ վերահսկելու COVID-19-ով ծանր հիվանդների բուժման գործընթացը։

«Բրիտանիան մեզ բարեկամ երկիր չէ, այդ պետությունը մեռ ռազմավարական դաշնակիցը նույնպես չէ: Հետևաբար, անհասկանալի է մնում, թե մենք ի՞նչ վստահությամբ ենք մեր հիվանդանոցները հանձնում այդ երկրից ժամանած ինչ-որ բժիշկներին, իսկ իմ կարծիքով՝ գործակալական ցանցին: Գիտակցո՞ւմ ենք մենք, որ, այսպիսով, նրանց են տրամադրվելու մեր հիվանդանոցները, մենք տալու ենք նրանց մեր ազգային անվտանգության հետ առնչվող տեղեկատվության լայն բազա՝ հիվանդացությունների, մահացությունների մասին, ինչպես նաև տեղեկություններ այն մասին, թե հատկապես ի՞նչ պաթոլոգիաներից են ավելի շատ մահանում մարդիկ Հայաստանում, թե ո՞ր հիվանդություններն են առավել շատ տարածված այստեղ և այլն: Այս ամենը թույլ կտա բրիտանացի գիտնականներին այդ հավաքագրված հույժ գաղտնի տեղեկատվությունն օգտագործել հենց մեր դեմ»,- ասաց նա։

Բժիշկ Գևորգ Գևորգյանն ընդգծում է՝ հրապարակային գրառմամբ արդեն իսկ ահազանգել է վերահաս այս վտանգի մասին, և, մասնավորապես ընդգծել, որ հետաքրքիր զուգադիպությամբ Հայաստանում պատերազմական գործողությունների վերսկսումից մի քանի ամիս առաջ Ազգային Ժողովը որոշեց ընդունել մի օրենք, ըստ որի, ռազմական դրության պայմաններում Հայաստանի բոլոր բուժհաստատությունները անցնելու են Առողջապահության նախարարության ենթակայության տակ: Եվ ահա արդեն այսօր մենք ականատեսն ենք դառնում այդ օրենքի պրակտիկ կիրառման հնարավոր հետևանքներին՝ իր ողջ անթույլատրելի վտանգավորությամբ: Ըստ Գևորգ Գևորգյանի բնորոշման, սա ոչ այլ ինչ է, եթե ոչ պլանավորված հայկական ցեղասպանության շարունակություն.« 2020 թվականն ի սկզբանե մեկնարկեց տխուր լուրերով՝ կապված աշխարհում կորոնավարակի տարածման և դրա տեմպերի հետ: Ցավոք, մահաբեր այս վարակը չշրջանցեց նաև մեր երկիրը, որին, սակայն, գործող ոչ կոմպետենտ իշխանությունները չկարողացան արդյունավետ դիմադրություն ցույց տալ, ինչի արդյունքում մենք ունեցանք մեծ քանակությամբ զոհեր: Արդյունքում համավարակն ու իր փոխանցման ուղիները դուրս եկան վերահսկողությունից և մնացին մեզ հետ ապրելու: Առաջին ալիքը չհաղթահարած, մենք մտանք համավարակի երկրորդ ալիք՝ արդեն իսկ պատերազմական իրավիճակում:

Պատերազմական իրավիճակն էլ ավելի բարդացնելով համավարակի կառավարելիությունը, հանգեցրեց հավելյալ կորուստների:Այսինքն, համավարակից մահացան մեծ քանակությամբ մարդիկ և սրան գումարած նաև պարտերազմի զոհերն իրար հետ վերցված՝ արդեն դառնում է ավագ և կրտսեր տարիքի երկու սերունդ:

Հիմա էլ միտումնավոր կերպով նման քայլերի գնալը , ես կասեի՝ նմանօրինակ հանցավոր վստահություն ցուցաբերելն այլ երկրի նկատմամբ, ինչպիսին Մեծ Բրիտանիան է, ընդ որում, այսօրինակ կերպով ոտնահարելով սեփական երկրի ու ժողովրդի շահը, ինձ համար ոչ այլ ինչ է, քան նոր սերնդի ցեղասպանություն: Գիտե՞ք, երբ 1915 թվականին մեզ ցեղասպանում էին, կայնի բնակավայրեր, որտեղ մարդիկ գոնե զինված ինքնապաշտպանություն ցույց տվեցին թուրքին և հենց այն բնակավայրը, որտեղ մարդիկ զենք վերցրին, մինիմալ կորուստներ գրանցեցին, գոնե չցեղասպանվեին, իսկ նրանք, ովքեր վստահեցին «բարի» թուրքին, գիտենք ինչ եղավ՝ պատմությունը փաստեր չի խնայել, մեզ դա ցույց տալու համար: Հիմա 2020 թվականին մեր երկրում իրավիճակը շատ նման է սրան: Այն մարդիկ, ովքեր պայքարում են թե´ ներքին, թե´ արտաքին թուրքի դեմ, ողջ կմնան, մնացյալը ցավոք՝ ունենալու են ողբերգական վախճան և նրանք սա պետք է իմանան»,- ասում է բժիշկ Գևորգ Գևորգյանը:

Անդրադառնալով հարցին, ինչպե՞ս պատահեց, որ պատերազմող երկրում կորոնավիրուսի վարակի թվերնն աննախադեպ աճ էին գրանցում, ինչն, ի դեպ, Առողջապահության նախարարությունը բացահայտ կերպով հրապարակում էր, իսկ նոյեմբերի 10-ի հայտնի դեպքերից հետո, վարակը, հանկարծ, անսպասելի և կտրուկ նահանջ գրանցեց, բժիշկ Գևորգ Գևորգյանը պատասխանում է.«Մեր երկիրը կորոնավիրուսի առաջին ալիքը չհաղթահարած մտավ երկրորդ ալիքի մեջ և բնական է, որ այսպիսի իրավիճակում թվերի կտրուկ աճ էր ակնկալվում, սակայն, իհարկե, ոչ այդպիսի աճ: Վարակակիրների թվերի մանիպուլյացիա եղել է թե՛ մարտ-հուլիս ամիսների միջակայքում և, թե´ հիմա: Հակված եմ մտածել, որ պատերազմական վիճակում դա արվում էր, որպեսզի բնակչության ուշադրությունը շեղվեր մարտական գործողություններից և սպասվող խայտառակ փաստաթղթի ստորագրումից: Գործող իշխանությունը չի վարանում իրականացնել ցանկացած ստոր քայլ, որպեսզի շեղի ժողովրդի ուշադրությունն՝ իր ապիկարությունից, խայտառակությունից և հնարավորին երկար մնա իշխանության ղեկին: Կարծում եմ թվերի մանիպուլյացիան, մեծապես պայմանավորված էր այս հանգամանքով»,- ասում է Գևորգ Գրիգորյանը «Փաստինֆո»-ի հետ զրույցում:

Հիշեցնենք, որ նախօրեին հայտնի դարձավ, որ Միացյալ Թագավորությունից (ՄԹ) Հայաստան են ժամանել հինգ բուժաշխատողներ, որոնք կաջակցեն հայ բժիշկներին՝ վերահսկելու COVID-19-ով ծանր հիվանդների բուժման գործընթացը: Արժանապատիվ բուժաշխատողների միությունն արձագանքելով նշված տեղեկատվությանը հայտարարել է, որ առաքելությանը ծանոթանալով պարզվում է, որ նրանց վրա դրված են բազմաթիվ գործառույթներ, որոնց շրջանակը դուրս է միայն COVID-19-ով հիվանդների բուժման հարցերից:

Հեղինակ՝ Նվարդ Մանվելյան

Աղբյուր` Փաստինֆո