Փաստ ինֆո

Քիչ առաջ անհետ կորած զինվորների հարազատները փակել են  Նիկոլ Փաշինյանի ավտոշարասյան ճանապարհը՝ պատասխան պահանջելով նրանից, բայց ՀՀ վարչապետն անգամ մեքենայից չիջավ, իսկ ոստիկանները ուժով հեռացրեցին նրանց Փաշինյանի ճանապարհից:

Ըստ Mediaport-ի տեղեկությունների, սգակիր քաղաքացիներից մեկը վնասվածք է ստացել:

«Փաստինֆո»-ն հայտնել է, որ արդեն տեւական ժամանակ է, ինչ անհետ կորած զինծառայողների հարազատները բողոքի ակցիաներ են կազմակերպում՝ ՀՀ կառավարության, ՊՆ-ի դիմաց, հիվանդանոցից՝ հիվանդանոց, դիահերձարան գնում իրեն զավակների փնտրտուքներով։ Ծնողները վրդովված են՝ պատերազմը դադարեցնելու փաստաթղթով նախատեսված էր դիակների, ռազմագերիների փոխանակում, սակայն այդ քայլերը չիրականացրած հանձնում են հողերը։ Հարազատները տեղեկություն են պահանջում իրենց զավակների մասին։

Կառավարության մոտ հավաքված ծնողները նշեցին, որ այսօր ընդամենը ուզում էին 10-15 հոգով հանդիպել Փաշինյանին ու կոնկրետ հարցեր ուղղել՝ հասկանալու, թե ինչ քայլեր են ձեռնարկվում երեխաներին հայտնաբերելու ուղղությամբ, ու թեեւ Փաշինյանն ասել է, որ իրենց միջեւ չպետք է լինեն ոստիկանական ուժեր, այդուհանդերձ, դրանք կան, իսկ հանդիպումն էլ տեղի չունեցավ։

Նրանք արձանագրում են՝ որքան ուշանում է, այնքան ավելի է դժվարանալու երեխաների հայտնաբերումը, ապա, ցույց տալով գերի ընկած հայ երիտասարդների նկատմամբ բռնության վերաբերյալ կադրերը, հարազատներից մեկը ասաց.«բա երեխա կփրկվի՞ այս վիճակում»։

Աղբյուր` Փաստինֆո