Փաստ ինֆո

Ըստ պայմանավորվածության՝ հայկական ԶՈՒ֊երը և այդ տարածքի ազգաբնակչությունը երկարաձգված ժամկետով ամսի 25֊ին պետք է Քարվաճառի շրջանից դուրս եկած լինեին, որն իրականացվել է։Այս մասին հրավիրված հրատապ ասուլիսին ասացՀՀ ԶՈՒ ԳՇ պետի առաջին տեղակալ Տիրան Խաչատրյանը։

Նրա խոսքով՝ զորքերի հետ կապված իրականացվող աշխատանքներն իրականացվել են նախապես պլանավորված բնույթով։ Մանրամասներ չհայտնելով՝ Խաչատրյանը նշեց, որ այն ինչ իրականացվել է մինչև այսօր, իրականացվել է պլանավորվածին համապատասխան և ճշգրիտ ժամանակացույցով։ Անդրադառնալով Սոթքի հանքի տարածք ադրբեջանցիների մուտք գործելու մասին լուրերին՝ վերջինս նշեց, որ մեր կողմից կարող է հաստատվել, որ այդպիսի իրավիճակ չի տիրել։ ԳՇ պետի տեղակալը, ներկայացնելով քարտեզը, նշեց, որ ոսկու հանքի և տարածաշրջանի հետ կապված, ռուսական կողմից նախապես ձեռնարկվել էին անվտանգային միջոցառումներ՝ տարածքի պաշտպանության համար։

Նրա խոսքով՝ սահմանային ուղեկալի նման և արգելափակոցի աշխատանքներն իրականացվել են ռուսական կողմի ուժերով, մեր զորքերն այդ անվտանգության գոտու ապահովման հարցերում ընդգրկվածություն չի ունեցել։

Ի դեպ, նշենք, որ քիչ առաջ տեսանյութ են տարածել նաեւ Սոթքի աշխատակիցները՝ նշելով, որ թուրքը քիչ առաջ զորքով եկավ ու պահանջեց բացել արգելապատնեշը՝ իրենց տարածքն է. «Փաշինյան, աչքդ լույս լինի թուրքերն եկան մտան Սոթքի հանք ու ծիծաղելով ասացին՝ передайте привет Пашиняну».

Աղբյուր` Փաստինֆո