Փաստ ինֆո

Առաջիկայում տնտեսական բլոկով կհանդիպենք Արցախի իշխանությունների հետ։ Վնասների գույքագրում կկատարենք, որ հասկանանք ինչ իրավիճակ է։ ԱԺ-ում լրագրողների հետ զրույցի ժամանակ ասաց ԱԺ տնտեսական հարցերի հանձնաժողովի նախագահ Բաբկեն Թունյանը։

«Քննադատում և ասում են, որ այդ հատկացված միջոցները քիչ են, բայց նաև մյուս կողմից պետք է հաշվի առնել, որ պետական բյուջեն սահմանափակ է և պետք է մեր հնարավորությունների սահմանում փորձենք ամենաօպտիմալ եղանակները գտնել։ Շեշտը պետք է դնել ոչ թե Արցախից Հայաստան տեղափոխված մարդկանց սոցիալական օժանդակություն տալու վրա, այլ պետք է ձգտել, որ արցախցիները հետ վերադառնան իրենց մոտ և այնտեղ իրենց համար բարենպաստ պայմաններ ստեղծվեն, որ շարունակեն ապրել ու աշխատել այնտեղ»,-ասաց Բաբկեն Թունյանը։

Դիտարկմանը՝ որքանով է ապահով, որ հայերը կողք կողքի ապրեն ադրբեջանցիների կամ այն անձանց հետ, որոնք կբնակեցվեն հանձնված տարածքներում, պատգամավորը նշեց, որ խաղաղապահները հենց դրա համար են, որ այդ մարդիկ փոխադարձ շփում չունենան և անվտանգության հետ կապված որևէ խնդիր չառաջանա։

Աղբյուր` Փաստինֆո