Փաստ ինֆո

«Եթե հարգում եք իմ խոսքը, ապա 2.5 տարի խորհուրդ էի տալիս, թե ինչպես պետք է արտաքին քաղաքական բնագավառում օգտագործեք իրավական գործիքները: Եթե դուք դա անտեսում եք, ձեր հարգանքի խոսքն ինձ համար զրո արժեք ունի»,- ԱԺ նիստի ժամանակ ասաց ԼՀ խմբակցության պատգամավոր Տարոն Սիմոնյանը՝ դիմելով օրվա իշխանությանը:

Խնդրեց իշխանություններին՝ խորհուրդներն իրացնել իրենց անունից։

«Ես հետապնդում եմ պետական և ազգային շահ: Եթե դուք ուզում եք ի շահ պետության աշխատել, պետք է ազնվորեն մոտենաք ձեր առջև կանգնած խնդիրներին: Եթե իմաստնություն ունենայինք, ապա պետք է կանխեինք այն աղետը, որի առջև կանգնեցինք: Մենք չունեցանք այդ իմաստնությունը 25 տարի և չունեցանք վերջին 2,5 տարին։ Հետևաբար մեր հասարակությանը ղեկավարում էին մարդիկ, ովքեր իմաստուն չէին»,- ասաց Սիմոնյանը։
Պատգամավորն ասաց, որ եթե իշխանություններն ունենային բավարար գիտելիքներ՝ խնդիրները կհաղթահարեին, բայց անկազմակերպվածության և այլ խնդիրների պատճառով չկարողացան պատերազմում հաղթնակ տանել։
«Այն անձինք ովքեր ստանձնել էին այդ պարտավորությունը, պետք է հետևանքների համար պատասխան տային, որը խուսափում է։ Եկել է երրորդ փուլը, երբ մեր խոսքերով ու գործողություններով վնաս չպետք է տանք։ Վնաս չտալու սկզբունքից ելնելով սպասում եմ ձեր ակտիվ գործողություններին, կամ ղեկավարի հեռացմանը։ Ռազմական դրության առկայությունը սրա հետ կապ չունի։ Դուք ժողովրդի հետ ազնիվ չեք։ Դուք մեր ժողովրդի ընտրյալն եք, բայց ունակ չեք պաշտպանելու ազգային շահը», - ասաց պատգամավորն՝ իր խոսքն ուղելով գործող իշխանությանը:

Տարոն Սիմոնյանը շեշտեց՝ որևէ այլ շահ, քան ազգային շահն է, չպետք է առաջնորդի.իշխանությանը. «Մինչդեռ հեղափոխության առաջացրած մեծամտությունն իշխանության մոտ խոնարհություն չարթնացրեց՝ անգամ պատերազմում մեծաքանակ սխալների պարագայում:Սրա մասին մտածեք», - ասաց Սիմոնյանը:

Աղբյուր` Փաստինֆո