Փաստ ինֆո

Ռուսաստանն ուժեղացրել է Լեռնային Ղարաբաղում խաղաղապահ զորակազմը հատուկ նշանակության բժշկական ջոկատով, որը ժամանել է Արեւելյան ռազմական օկրուգից: Հակամարտության գոտում հայտնվել են նաեւ ռադիոէլեկտրոնային պայքարի (ՌԷՊ) «Леер-3» նորագույն հայրենական համալիրները: Այս մասին «Իզվեստիային» պատմել են պաշտպանական գերատեսչությունում:

Յուրաքանչյուրի կազմում կան անօդաչու թռչող սարքեր, որոնք կարող են բջջային հեռախոսներին ուղարկել տեքստային, աուդիո եւ վիդեո հաղորդումներ: Այդ ԱԹՍ-ները կօգտագործվեն ոչ թե միջամտություններ կատարելու, այլ մարդասիրական գործողությունների ժամանակ տեղի բնակչությանը զանգվածային իրազեկման համար։ Նմանատիպ խնդիրները «Леер-3»- ը հաջողությամբ լուծել է Սիրիայում։

2015 թվականին սպառազինության մեջ ընդունված համալիրի նախնական խնդիրը GSM ստանդարտի բջջային կապի ազդանշանների խլացումն էր։ Երկու տարի անց նրա հնարավորություններն ընդլայնվել են 3G եւ 4G ժամանակակից ցանցերը ճնշելու համար, ինչպես նաեւ ավելացրել են գործողության հեռահարությունը:

«Леер-3» - ը կարող է ժամերով թռչել տվյալ շրջանում՝ նմանակելով բջջային աշտարակը։ Ընդ որում, այն աշխատում է նույնիսկ այն շրջաններում, որտեղ ցանցի ծածկույթ ընդհանրապես չկա, կամ այն շատ թույլ է։

Աղբյուր` Փաստինֆո