Փաստ ինֆո

Կիսագժված ենք մենք, դեռ շատ գժվելու տեղ կունենանք, եթե չգտնենք։ Եթե կա մեկը, որ կկարողանա բացասական պատասխանել, թող գա հետս սահման գնանք։ Գնանք սահման՝ գժվելը կերևա։ Այսօր այն երեխեքը չկան, որոնք կանգնել՝ քյալլա են տվել, դոշ են տվել, քյալլա տվողին չեն կարողանում գտնել, ով դոշ է տվել, կյանքն է տվել ու չկա։ Այս մասին կառավարության դիմաց ակցիայի ընթացքում ասաց անհետ կորած զինվորների հարազատներից մեկը։ Նրան շարունակելով անհետ կորած մեկ այլ զինվորի հարազատ էլ նշեց, որ թշնամուն հող են տվել, հող են հանձնել, պայմանագիր կա ռուսի հետ կապված, որ հողերը տանք՝ մեր երեխեքին հետ բերենք։

«Մենք չենք տվել, որ հողի հետ երեխա տանք, թող մեր երեխեքին հետ տան»,֊ասաց նա՝ հավելելով, որ երկիրը քանդվում է և վաղը մյուս օրը մուսուլմանական֊քրիստոնեական կռիվ է լինելու։

Ակցիայի մասնակիցներից մյուսն էլ ընդգծեց, որ եռակողմ հայտարարության կետերից մեկն այն է, որ դուրս բերվեն զինվորները, զբաղվեն գերիներով, հող հանձնելը կատարվում է, բայց զոհերին դուրս բերելու վերաբերյալ աշխատանքները զրոյական են։

«Թող մեկի երեխուն տան, մենք իմանանք, որ իր երեխուն տվել են, չկա նման դեպք»,֊ասաց նա՝ հավելելով, որ ստացվում է, որ այդ աշխատանքներն աչքկապոցի է։
Ըստ նրա՝ պայմանագրի կետերն արդեն խախտվել են։

Քաղաքացիներից մեկն էլ նշեց, որ ԴՆԹ ապարատներ բերեն, իրենք չեն կարող տարիներով սպասել, ամեն մարդ իր երեխային է ուզում, իր երեխայի գերեզմանը։ Նրա խոսքով՝ լքված իրավիճակ է։

Աղբյուր` Փաստինֆո