Փաստ ինֆո

ՀՀ ՔԿ Երեւանի քննչական վարչությունում այսօր մեղադրանք է առաջադրվել ՀՀ ԱԺ նախկին պատգամավոր, «Քառյակ մեդիայի» համահիմնադիր Միհրան Հակոբյանին՝ օրենքով սահմանված կարգի խախտմամբ հավաք կազմակերպելու եւ անցկացնել ու համար՝ ՀՀ ՔՕ 225.1-րդ հոդվածի հատկանիշներով։

Այդ մասին Մ.Հակոբյանը հայտնել է ֆեյսսբուքյան ուղիղ եթերում՝ նշելով, որ մեղադրանքը չի ընդունում։

«Հավաքը կազմակերպիչ չի ունեցել։ Սա շարունակությունն է այն գործողությունների, որ Նիկոլ Փաշինյանը վերջին շրջանում գործածում է այն մարդկանց նկատմամբ, որոնք հստակ դիրքորոշում են հայտնում, բարձրաձայնում են, որ ինքը պետական դավաճան է, 5 հազարից ավելի զոհ է տվել, հանձնել է Արցախը եւ ստորացրել է հայ մարդու պատիվը»,- նշել է Հակոբյանը։

«Փաստինֆո»-ն ավելի վաղ տեղեկացրել է, որ Արցախի հողերի մի մասը Ադրբեջանին հանձնելու Փաշինյանի ստորագրած հայտարարությունից հետո բողոքի ակցիաներ են սկսվել Հայաստանում՝ պահանջելով Նիկոլ Փաշինյանի հրաժարականը։ Իշխանությունները բողոքի ակցիաները ճնշելու համար անցել են բիրտ գործողությունների. Հարյուրավոր հասարակական, քաղաքական գործիչներ բերման են ենթարկվել, Քննչական կոմիտեում, ՀՔԾ-ում հարուցվել են քրեական գործեր՝ հողերը հանձնելու դեմ բողոքող քաղաքացիների ակցիաների առթիվ, որի շրջանակներում մեղադրանք են առաջադրվել մի շարք քաղաքական գործիչների՝ Արթուր Վանեցյանին, Իշխան Սաղաթելյանին, Արսեն Բաբայանին, Գեղամ Մանուկյանին, Էդուարդ Շարմազանովին, Արթուր Ղազինյանին և մի շարք այլ գործիչների:

Աղբյուր` Փաստինֆո