Փաստ ինֆո

Անգամ 1915թ հետո մեր ազգն այդքան կոտրված, ոգով այդքան ստորացված և ազգային արժանապատվությունից այդքան զրկված չի եղել, ինչպես այսօր։ Նիկոլ Փաշինյանն իր դավաճանական քայլերով 2.5 տարում մեր բանակը տարավ կործանման և այդ բանակի կործանումն ամբողջովին իր քաղաքականությունն ։ Հիմա պոպուլիստ ստախոսը փորձում է ասել, որ իրավիճակից ելնելով էր դա։ Այս մասին լրագրողների հետ զրույցում ասել է պահեստազորի գնդապետ Վոլոդյա Հովհաննիսյանը։

Նրա խոսքով՝ Մովսես Հակոբյանի ելույթից հետո վերջինս պետք է ինքը գնար և հանձնվեր իրավապահ մարմիններին և ներողություն խնդրեր ազգից, որ իր ապաշնորհ դավաճանական քաղաքականության արդյունքում ազգը հասավ կործանման այդպիսի սարսափելի վիճակի։

«Ինձ թվում է, որ մեր պատմության մեջ ավելի դավաճան, ավելի ստոր, ավելի ծանր ազգային հարված հասցրած որևէ քաղաքական գործիչ չունենք, որքան Նիկոլ Փաշինյանն է»,- նշեց Հովհաննիսյանը՝ ընդգծելով, որ Նիկոլ Փաշինյանը պետք է քրեական պատասխանատվության ենթարկվի։

Նրա խոսքով՝ Նիկոլ Փաշինյանը նման պայմանագիր կնքելու իրավունք չուներ, իսկ, եթե Իսագուլյանի հայտարարություններին հավատալու դեպքում, որ Նիկոլ Փաշինյանը և «Իմ քայլը» խմբակցության պատգամավորները ստացել են թուրքական փողեր, ապա ստացվում է, որ թուրքական փողերով մեր ազգին տարել են կապիտուլյացիայի։

Բացի դա՝ Հովհաննիսյանը նշեց, որ, երբ թուրքերը սանտիմետրի ճշգրտությամբ գիտեն, թե որտեղ ինչ է կատարվում բանակի թիկունքում, դա նշանակում է, որ Նիկոլ Փաշինյանը դիտմամբ չորս ԱԱԾ տնօրեն փոխելով, ոչ կոմպետենտ մարդկանց դնելով պաշտոնակատարի կարգավիճակում, ուղղակի ոչնչացրեց ԱԱԾ-ն, ոչնչացրեց պետական կառավարման համակարգը, ռազմական կառավարման համակարգը, հեղինակազրկեց ազգային ոգին։ Նրա խոսքով՝ պատերազմի օրերին ոչ մի միջազգային կառույց, ոչ մի պետություն ուղղակի մատը մատին չխփեց մեզ պաշտպանելու համար, Թուրքիան չորս պետությունների կոալիցիայով հարձակվեց, մենք մենակ մնացինք, Ռուսաստանն էլ մեզ փրկեց միայն նրա համար, որ իր շահերը վերջնականապես չկորցնի Արցախում։

«Նիկոլ Փաշինյանը մերկացրեց մեր ներքին և արտաքին քաղաքական կյանքը թուրքի առաջ »,- ասաց նա։

Մանրամասները՝ տեսանյութում

Աղբյուր` Փաստինֆո