Փաստ ինֆո

Մենք չունենք հիմա սուվերեն երկիր, մեր սուվերենության աստիճանը հիմա ավելի ցածր է քան Խորհրդային Հայաստանի սուվերենության աստիճանը, իմ անվտանգությունը կախված է նրանից,թե կուզենա արդյոք ՌԴ-ն ինձ պահի, թե ոչ։ Այս մասին «Փաստինֆո»-ի եթերում ասել է մեդիափորձագետ Տիգրան Քոչարյանը։

Ըստ նրա՝ Արցախի նախագահ Արայիկ Հարությունյանի գոյատևումը կախված է նրանից, թե գեներալ Մուրադովը, կամ Վլադիմիր Պուտինը էդ օրը ինչ տրամադրություն կունենան, կուզենա՞ն Ստեփանակերտից գնան Մարտակերտում կանգնեն ասեն Ստեփանակերտը ձեզ, թե չեն ուզենա։ «Հասկանո՞ւմ եք, ամեն ինչ տվել են, ամեն ինչ պարտվել են, երկիրը դարձրել են չգիտեմ ինչ, որ արդեն ձեռ են առնում, Էրդողանն ասաց, որ տարածաշրջանի հարցերը լուծելու են ՌԴ-ն, Ադրբեջանն ու Թուրքիան։ Այսինքն՝ ՀՀ էլ չկա, ՀՀ-ն դարձել է ՌԴ-ի տրամադրության սուբյեկտ, կամ ավելի ճիշտ օբյեկտ»,- նշել է փորձագետը։

Նրա խոսքերով՝ «մեր ժողովուրդը երկու անգամ է այսպես ասած բացառիկ ընտրություն անել, մեկը՝ Տեր-Պետրոսյանի, մյուսը՝ Փաշինյանի ժամանակ։ «Թե ինչին բերեցին այդ առաջնորդները՝ մենք տեսանք, դեմոկրատիան հայ ժողովրդի համար չէ, մեր ժողովուրդը չի կարողանում դեմոկրատիայից օգտվի, և ինքը ընտրում է միշտ ամենավատ տարբերակը, որից նաև տուժում է, բայց չի հասկանում»,- նշել է Քոչարյանը։

Մանրամասները՝ տեսանյութում։

Աղբյուր` Փաստինֆո